tlhIngan-Hol Archive: Tue Nov 08 00:22:38 2011
[Date Prev][Date Next][Thread Prev][Thread Next]
[Tlhingan-hol] nuq bop bom: SochmaH Soch: <bIj qotlh>
Content: Non-sexual partial nudity that you probably would read right
past without noticing if it weren't for this content warning,
which of course is why I'm putting it here.
Captain vajar has been watching over the seriously wounded first officer.
77
meH 'elqa'DI' HoD SaHlaw' pagh. ghIq Hota'ro' leghpu'. SeHlaw bIngDaq
tu'lu'. choQDaq QottaH. Heghpu' 'e' HajchoH HoD, 'a cholDI' tlhuHchu'
'e' tu'. QongtaH neH. QeHchoH. vemmoHmeH pe'vIl volchaHDu' 'uch.
vemDI' jach 'ej mupmeH vIHqu' ghIvDu'Daj. HoD leghDI' mev'egh 'ej Hu'
neH. "qaH!" jatlh. DIvqu'law'. yIvbeH tuQbe'taH.
"lagh! qatlh qabIj 'e' Daqotlh?" jatlh HoD.
"jIDughnIStaHvIS bong jIQongchoHmo' chobIj 'e' vIqotlh, HoD!" pe'vIl jatlh.
"qatlh bIQongchoH, lagh?" jatlh HoD.
"jIDughHa'mo', jIQongchoH, HoD!" jatlh DeghwI'.
jatlh HoD, "bImuj. bIDughHa'be'. bIDughchu'. DaHjaj loS jaghpu'
DaHoHpu'. rolIj DuQchu' jagh, ghIq qaStaHvIS..." tlhaq laDmeH yev
HoD. "... wa'maH wa' rep nIteb meH DaSeHtaH. bIDughHa'be'bej.
bIrIQmo' leSnIS porghlIj. bIQongnISbej. vaj qatlh qabIj 'e' Daqotlh?"
jatlhqangbe' Hota'ro'. QamtaH neH QeHDaj lajtaHvIS. "yIja'!" jatlh HoD.
jatlhqa' Hota'ro' "San DaSeHlaHbe'mo' vay' Da'oy'moH DaneH'a'?"
'ungya San qelba'. HoD chor SIjchu'meH betleH Qach'ta'chugh Hota'ro',
'arghlaHbe' bep. mu'meyDajmo' ravDaq chaghlaw' HoD luH.
tamqu'choH HoD ghogh 'a QeHtaH. jatlh "ghobe'. bImujtaH. rInDI' yaH
poHlIj qoj bIDoy'qu'choHDI' DuSonmeH vay' DarI'be'mo' qabIj 'e'
Daqotlh. nIteb Duj DachIjlaHbe'."
jatlh DeghwI', "lu' HoD!" Qamqu' 'ej loS. mup HoD 'e' pIHba'. mup neH
HoD. ghIchDaj QIp ghor neH. DaH choQ Say'Daq reghqu'meH DeghwI' ghIch
mupqu'chugh QamtaH neH Hota'ro' 'e' Sov. 'a 'ungya vorbe'. 'ej
laghvam taQvaD pagh ghojmoHbe'law' je. Hota'ro' mupbe' HoD.
QamtaH DeghwI'. jatlh , "HoD? nuq 'oH bIjwIj'e'?"
jatlh HoD, "jISovbe'. yIQongchoH. meH vISeH."
"lu' HoD" jatlh Hota'ro', 'ej meH mej.
ra'wI' quSDaq ba'choH HoD 'ej HaSta bejchoH. pay' vemmo' QongchoHpu'
'e' tlhoj HoD. meHDaq ba'taH ghutar Duj pat jIHlaw'taH. "ghorgh
bI'el?" jatlh HoD mIS.
"wej rep ret," jatlh ghutar. "muvemmoHta' Hota'ro'. jatlh qaStaHvIS
cha'maH Soch rep Qongbe'law'pu' HoD. yISon."
----
SKI: A crewmember who is too tired to remain vigilant on the bridge
should call someone to relieve them.
Also, why does my spellchecking program complain about jatlh, Soch,
tlhoj, Qongbe'law'pu' and mej, but not about meH, rep, cha'maH,
QongchoHpu' or quSDaq?
_______________________________________________
Tlhingan-hol mailing list
[email protected]
http://stodi.digitalkingdom.org/mailman/listinfo/tlhingan-hol