tlhIngan-Hol Archive: Mon Feb 14 12:43:54 2011

Back to archive top level

To this year's listing

• Index by Date
• Index by Thread
• Index by Author

qoqqoqmey - jaj wejmaH vagh

ghunchu'wI' 'utlh ([email protected])

• From: "ghunchu'wI' 'utlh" <[email protected]>
• Subject: qoqqoqmey - jaj wejmaH vagh
• Date: Mon, 14 Feb 2011 15:41:54 -0500

DaHjaj tlhoS rInlaw' DeS pat.

DeS pat lIStaH ghomHom.
qaStaHvIS wej rep qoq ghunlaHbe' ghunwI'pu'.
SeHlaw luchenmoHlI'.
ruQmeH naQmey lan.
leQmey lan.
'ul SIrghmey rarmoH.

neSlo'nav leghmeH HaSta noch wovmoHwI'mey nguv vIjom.
wovmoHwI' laQDI' SeHwI' pat, wew.
wewpa', Hurgh neSlo'nav.
wewtaHvIS, SuD neSlo'nav.
yap'a' wewtaHghach?
SuD 'e' vIleghlaH jIH.
leghlaH HaSta noch 'e' vISovbe'.
qevmo' DeS chenmoHwI'pu' qoqDaq noch vIjomlaHbe'.

nIS'egh DeS pat 'e' tu' ghomHom.
tlhoy Sum mIrmey.
mIr Daq lISqa' ghomHom.
rInpa' jajvam vIHbeHbe' 'e' tlhoj ghunwI' ghom.

maqID.
mabom.
maHujba'.
ghunwI' maH!

-- ghunchu'wI'

• Prev by Date: qoqqoqmey - jaj wejmaH loS
• Next by Date: Re: tlhIngan iPod keyboard
• Previous by thread: qoqqoqmey - jaj wejmaH loS
• Next by thread: qoqqoqmey - jaj wejmaH jav
• Index(es):
  • Date
  • Thread
  • Author

Back to archive top level