tlhIngan-Hol Archive: Mon Feb 14 11:31:47 2011

Back to archive top level

To this year's listing

• Index by Date
• Index by Thread
• Index by Author

qoqqoqmey - jaj wejmaH loS

ghunchu'wI' 'utlh ([email protected])

• From: "ghunchu'wI' 'utlh" <[email protected]>
• Subject: qoqqoqmey - jaj wejmaH loS
• Date: Mon, 14 Feb 2011 14:29:27 -0500

DaHjaj tlhetlhlaw' DeS pat.

QIt chen DeS.
pImchoH DeS nguSDI' Daq.
loQ 'ul pat bottaH.
qechwIj woDlu'pu'.
wIgh jIHbe'law'.

bIt ghunwI'pu'.
rInpa' DeS 'utbe' Qu'maj.
vaj maDegh.
mangong 'e' wIwuq.

cha' ben Dajqu' ghommaj qoq.
mep let 'oH che'ron ghor.
mep let bIH rutlhmey'e' net poQ.
ghorvamDaq vaQbe' rutlhmeyvam.
nom DIngchugh rutlhmey, QIt chung qoq.
vaj nom chungmeH muD yuv qoqmaj.
muD Duj vo'wI' lo'.

cha' nuv poQ qoqvam SeHlaw.
cha' ghopDu' lo'nIS DeghwI'.
cha' ruQmeH naQ 'uch.
rutlhmey vo'wI' je SeH ghaH.
cha' ghopDu' lo'nIS matHa'.
nuHmey SeH ghaH.
maSnaghqoq Suq.
maSnaghqoq pep.
maSnaghqoq baH.

SeHlaw chu' cher ghunbogh ghojwI'.
wa' jan 'oH.
cha' ghopDu'Daq jan 'uch ruQwI'.
rutlhmey SeHmeH Sen.
vo'wI' SeHmeH SIq.
SuqmeH qay.
pepmeH joq baHmeH rIl.
DaH qoq ruQlaHchu' wa' nuv.
ghaytan mIymeH qoqmaj moj qoqvam.

-- ghunchu'wI'

• Prev by Date: Re: tugh jIghIQ
• Next by Date: qoqqoqmey - jaj wejmaH vagh
• Previous by thread: DaHjaj qepHom
• Next by thread: qoqqoqmey - jaj wejmaH vagh
• Index(es):
  • Date
  • Thread
  • Author

Back to archive top level