tlhIngan-Hol Archive: Mon Feb 07 12:46:27 2011

Back to archive top level

To this year's listing

• Index by Date
• Index by Thread
• Index by Author

qoqqoqmey - jaj cha'maH chorgh

ghunchu'wI' 'utlh ([email protected])

• From: "ghunchu'wI' 'utlh" <[email protected]>
• Subject: qoqqoqmey - jaj cha'maH chorgh
• Date: Mon, 7 Feb 2011 15:44:52 -0500

DaHjaj wIDaj.

qoq vIbuSlaHbe'.
latlh Qu' vIghaj.
qaStaHvIS bID rep neH ghojwI' ghom vItlhej.
'ach vItlhejtaHvIS rejmorgh vImoj 'e' raD De' Do'Ha'.

qoqpIn gheSta' wa' nenwI'.
vumwI' 'ISjaH nab.
qoq pu'jIn gher.
choHmey wIv ghaH neH.
DaHjaj choH wIvpu'.
Ser mIm choHvam.
'ut 'e' qap qoqpIn.
tlhoQ pagh vaj HeQnIS Hoch.

jav rutlhmey ghaj qoq.
'etDaq cha' lutu'lu'.
'o'Daq cha' lutu'lu'.
botlhDaq cha' lutu'lu'.
jImlaH qoq 'et rutlhmey.
lupeplu'chugh, botlh rutlhmeyDaq 'ugh qoq.
tlhe'beH qoq.
tlhe'meH qoq ngeD.
chaq tlhoy ngeD.
qoq yuvchugh ghol, tlhe'moHlaH.
lupepHa'lu'chugh, 'et rutlhmeyDaq 'o' rutlhmeyDaq je 'ugh qoq.
tlhe'be'beH qoq.
ghoStaHvIS SIHbe' He.
yuvDI' ghol, SIHbe'taH.

pupbe' jImwI' 'ay'.
vIHDI' 'ay' Qeyqu'choH mIr.
pumbe'meH mIr, jImwI' choHnISlu'.
vaj 'ay'vam teq.
DachtaHvIS QaplaHbe' mIr.
QaplaHbe' rutlhmey.
vaj DaHjaj vIHbe' qoq.

wa'leS jImwI' Dubta' qoqpIn 'e' lay.
wa'leS vIHlaHjaj qoq.
ngajchoH poH.

-- ghunchu'wI'

• Prev by Date: Re: Translating TEDTalks
• Next by Date: Re: country names (was Re: tato'eba' ...)
• Previous by thread: Re: Translating TEDTalks
• Next by thread: Re: qoqqoqmey - jaj cha'maH chorgh
• Index(es):
  • Date
  • Thread
  • Author

Back to archive top level