tlhIngan-Hol Archive: Wed Oct 24 19:31:40 2007

Back to archive top level

To this year's listing

• Index by Date
• Index by Thread
• Index by Author

Re: Hoq QonoS: Tuesday

Doq ([email protected])

• From: Doq <[email protected]>
• Subject: Re: Hoq QonoS: Tuesday
• Date: Wed, 24 Oct 2007 22:30:43 -0400
• Authentication-results: smtp08.embarq.synacor.com [email protected]; spf=neutral
• Authentication-results: smtp08.embarq.synacor.com [email protected]; auth=pass (LOGIN)
• In-reply-to: <[email protected]>
• References: <[email protected]>
• X_cmae_category: 0,0 Undefined,Undefined

majQa'! wanI'lIj DaDelchu'ta'. vItIvqu'! qatlho'.

jajwIj Dal law' jajlIj Dal puS. vaj SoHvaD jajwIj vIDelbe'.

'ach Daj wa' ghu':

juHwIjDaq tujchoHmeH bIQ jan jomchoH. bal'a' Hutlh bIQ tujmoHwI'vam.  
bIQ tuj vIneHDI', qul chenmoH. bIQ tuj vIlo' 'e' vImevDI', mev qul.

SISmo', bebDaq bIQ tujmoHmeH pemHov jan jombe' beq. ghaytan cha' leS  
janvam lujom.

Doq

On Oct 24, 2007, at 12:54 PM, Alan Anderson wrote:

> Hoq QonoS: Tuesday
>
> nI'qu'mo' wa'Hu' jIQongchu'.  Hutlogh Qoylu'pu' jIvem.  jISay'eghmoH
> 'ej jItuQ'eghmoH.  Do'Ha' noSvagh vIlIjpu' 'ej tujqu' muD.  ghu'
> vISIQrup.
>
> maHvaD nIQ vut jup DISuchtaHbogh.  majaw.  puvbeHbogh loghDuj Dotlh
> wIjIH.  muD Dotlh wIjIH.  QaQlaw' Hoch.  bIQSIp 'ochmey bIrDaq vIHpu'
> chuch 'ej chaq qay'choH.  nuDqu' beq.  qay'be' net wuq.
>
> bIQtIq HeH wIghoS 'ej yavDaq maba'.  chan ghangwI'Daq qach tInqu'
> wIleghlaH.  qach 'ev chanDaq "Pad 39B" wIleghlaH.  loQ bIH joj "Pad
> 39A" vIlegh 'ach waQmo' Sormey tIn "Discovery" Duj vIleghlaHbe'.
> wa'maH qelI'qam 'oH chuq'e'.
>
> qaStaHvIS loSmaH vagh tup maba' 'ej maloS.  Se' wIjIHtaHvIS De'
> wIQoylaH.  <jonta'?> <jaH!> <Hung?> <jaH!> <noch?> <jaH!> <Qu' vu'wI'?
>> <jaH!> <muD Dotlh?> <wej...wej...jaH!> <la'?> <jaH!!>  togh
> tlhaq.  Hut, chorgh, Soch, jav, vagh -- chay'?!  pay' wovqu' ghangwI'
> 'ej Sal Discovery.  'eqlaw'.  SIbI' vIt vIyaj: paS neH Se' ghogh
> wIQoytaHbogh.
>
> nom SallI'!  wovqu'!  Doq qul tlhuDtaH Duj.  tlhIch tlhuQ lIngtaH.
> pupqu'.  chungtaHvIS 'eng patlh 'el 'ej nom 'eng DungDaq narghqa'.
> jen 'ej Hop 'ej wov.  qaSpu'DI' chorghmaH lup tagha' wab wIQoychoH.
> loQ chuS wej lup.  ghIq chuS 'e' ghur cha' lup.  ghIq chuSqu' wab'a'
> 'ej chuSqu'taH.
>
> nIn Sub jonta' chaghlu' 'e' vIbej.  ghoSqu'taH Duj 'ej DaH qulDaj
> chIS vIlegh.  tagha' Hopmo' Discovery, chal wovDaq qulDaj
> vIleghlaHbe'.  maHu' 'ej jup juHDaq machegh.
>
> maHvaD megh vut.  majaw.  tepmaj wIboS 'ej mamej.  be'nalwI' SoS
> juHHom wIghoS.  Soj SaH wIchov 'ej Soj tetlh wIgher.  maleSpu'DI' Soj
> wIje'.  choS mayIt 'ej nagh ngeng ngeb Hat wInuD.
>
> TV wIbej.  jIl WiFi vIlo' (chaw' wISuqta').  QonoS vIqon.  Dajbej
> DaHjaj.  ghaytan Dalqu' wa'leS.
>
> -- ghunchu'wI'
>
>

• References:
  • Hoq QonoS: Tuesday
    • From: Alan Anderson <[email protected]>

• Prev by Date: Re: qechmey
• Next by Date: Klingon WOTD: SopwI'pa' (noun)
• Previous by thread: Hoq QonoS: Tuesday
• Next by thread: Klingon WOTD: SopwI'pa' (noun)
• Index(es):
  • Date
  • Thread
  • Author

Back to archive top level