tlhIngan-Hol Archive: Sat Dec 22 20:52:11 2007
[Date Prev][Date Next][Thread Prev][Thread Next]
potlh nuq?
- From: Doq <[email protected]>
- Subject: potlh nuq?
- Date: Sat, 22 Dec 2007 23:48:58 -0500
- Authentication-results: smtp07.embarq.synacor.com [email protected]; spf=neutral
- Authentication-results: smtp07.embarq.synacor.com [email protected]; auth=pass (LOGIN)
- X_cmae_category: 0,0 Undefined,Undefined
potlh vIjatlh vIneH, 'ach potlhlaw' pagh.
jItlhuHmeH potlhba' muD. jISopmeH Soj potlhba' Soj. jIbIrbe'meH
potlhba' juHwIj. 'ach Dochmeyvam vIqeltaHvIS lut Sajatlhchugh, ghaytan
SoHvaD Dal lutwIj. toH nuq vIDellaH?
muDDuj vISIv. le'wI' vIchenmoH vIneH. pagh rur. qechwIj 'oH. mung jIH.
wej tel ghaj.
'etDaq 'eS wa' tel. botlhDaq 'oH tel cha'DIch. 'o'Daq jen tel wejDIch.
Hoch telvaD 'o'Daq lIch muD patlh. 'eSchoH muD patlhmey, vaj tel
cha'DIch nISbe' tel wa'DIch muD patlh, 'ej tel wejDIch muD patlh
nISbe' tel cha'DIch muD patlh.
SIHbe' tel cha'DIch; tIH rur. 'o'Daq SIH tel wa'DIch. tel cha'DIch
megh'anDaq muv tel cha'DIch megh'an tel wa'DIch megh'an je. muv je tel
cha'DIch 'er'In tel wa'DIch 'er'In je. 'etDaq SIH tel wejDIch.
latlhmey muv.
cha' rutlh ghaj. 'etDaq 'o'Daq je bIHtaH. tel megh'anDaq 'er'InDaq je
ruthHom tu'lu'.
cha' QuQ ghaj Dujvam. bebDaq wa' QuQ tu'lu'. Dungvo' qoDDaq muD vIHmoH
QuQvam. qoDvo' 'o'Daq muDvam vIHmoH latlh QuQ.
not Dujvam vIchenmoH. not puv Dujvam. not Dujvam vI'or. jInaj neH.
not vay' vI'or. Huch yap vIHutlh, 'ej jInIDchugh muHoHbej be'nalwI'.
Doq