tlhIngan-Hol Archive: Thu Sep 23 03:00:40 2004
[Date Prev][Date Next][Thread Prev][Thread Next]
lut tlhegh
- From: "Regina Reusser" <[email protected]>
- Subject: lut tlhegh
- Date: Thu, 23 Sep 2004 11:59:59 +0200
... lutmaj taHmoHmo' pagh, vItaHnISmoH jIH'e' ('IQ)...
jIghItlhpu':
> ... 'ej pay' ghaH tlhopDaq qagh ngaSbogh jengva', targh 'Iw ngaSbogh bal
legh
> puq, 'ach nuqDaq 'oH Qa'Hom'e'?
Hoch SopDI' loDHom, 'ej chImDI' bal, tlhaqDaj bej ghaH. jupDaj qaw.
"jIpaSbej", Qub, "tach vIghoSDI', chaq Dach jupwI', 'ej wa'leS pujwI'
mupong."
'ach pay' Qa'Hom ghogh Qoy: "Qu'lIj yIqaw. tach ngaSbogh qach yI'el, 'ej loD
qan yInej. tugh! poH DaHutlhbej! DaqtaghwIj vIpoQ!"
'ach nuqDaq 'oH Qa'Hom'e'? ghoghDaj Qoy, 'ach 'oH leghlaHbe' loDHom.
tagha', tach 'el loDHom. pa' bej, 'ej tlhoS tlhuHlaHbe'choH. 'Iw larghlaH.
raSmey bIngDaq Qot porgh(mey) (?). yIQ rav, 'ej ravDaq Dat balmey tu'lu'.
pay' ghaH nIHDaq lojmIt tu', 'ej 'oH ghoS, 'ach pay' Qa'Hom mu'mey qaw. "wej
targh vIHoHnIS", jatlh loDHom, "'ach nuH vIHutlh."
"nuH DapoQ'a', puq? vaj ... vaj qutluchwIj yItlhap. tugh jIHegh, vaj..."
jatlhbogh ghogh ghoS, 'ej tugh qamDu'DajDaq loD rIQ legh. qutluch 'uch ghaH.
jatlh: "nuHlIj 'oH nuHvam'e', puqloD. batlh yIlo'. 'ej qaStaHvIS Qu'lIj
Dutlhejjaj qeylIS."
ghIq Hegh loD. mInDu'Daj poSmoH loDHom, jach je. ghIq qutluch tlhap 'ej loD
porghvo' ghoS.
...
DaH qaS nuq? tagha' loD qan pa' 'avbogh targhmey HoHlaH'a' loDHom? tugh
wISovjaj! ...
Senara
********************
tIqDaq HoSna' tu'lu'
Real power is in the heart.
Wahre Kraft liegt im Herzen.