tlhIngan-Hol Archive: Sun Nov 16 16:44:53 2003

Back to archive top level

To this year's listing

• Index by Date
• Index by Thread
• Index by Author

Hoghvam 'entepray' lutHom: "North Star" {'ev chan Hov}

Scott Willis ([email protected])

• From: "Scott Willis" <[email protected]>
• Subject: Hoghvam 'entepray' lutHom: "North Star" {'ev chan Hov}
• Date: Sun, 16 Nov 2003 17:47:55 -0500

taghDI' lut, latlh yuQDaq pongbe'lu'bogh chaHtaH.
lam He tu'lu', 'ej Dat qachHom lutu'lu'. vengHom 'oH.
vengHomvamDaq ghot cha' ghom lutu'lu': *Skagarans*, Humanpu'Hey je.
vengHomvam luche'law' HumanHeyvam Huj.
(latlh Humanpu' rurbej, 'ach taQ Sutchaj: *American West*nganpu' rur.)
QIv *Skags* 'e' Harlaw' Human ngup.
*Skags*vaD, Hat tlhogh.
yotlh je'laHbe', 'ej *Skags* ghojmoHchugh vay', vaj ghotvetlh Huplu'bej. toywI''a' rur.

tagha' wa' qab wIghov: Archer. Sung rurmeH tuQ.
tugh tlhejchoH Trip, T'Pol je. Sung rurmeH tuQ je.
T'Polvo' Humanna' chaH HumanHeyvam'e' 'e' wIghoj.
'ach chay' naDev pawta' Humanpu' jay'?
ghojmeH, vengHom ghojmoHwI' Sam Archer.

loQ pIm ghojmoHwI' (Bethany).
chISqu' DIrDaj, 'ej Doq jIbDaj. loQ run, 'ej loQ pI'.

tera'vo Humanpu' quch Skagarans, ghIq yuQvamDaq HIj, Humanpu' vummoHmeH 'e' wIghoj.
'ach ngIjlaw' Humanpu'. chaHvaD qay' Sun.
tagha' lotlhchoH. ra'wI'chajvaD "Cooper Smith" ponglu'.
Skagaran law' HoH, 'ej Humanpu' tlhabmoH.
lu Skag qum, 'ej choHchu' ghu'.
DaH, che'wI' chaH Humanpu''e', 'ej DIb Hutlhchu' Skags.

'ach jaS Har Bethany. cha' vatlh ben qaS wanI'meyvam.
ngoy' yInbogh pagh. luHuplu'taH, 'ach HeSbe'.
batlh luHutlh chut 'e' Harmo' Bethany, chut lobQo'. Skag puqpu' ghojmoH.

ramvetlh, *Skagtown*Daq Bethany tlhej Archer.
ghojmoHtaHvIS, Archer, Bethany, Skag puqpu' je Sam ngup.
bIghHa' lujaH Archer, Bethany je, 'ach tugh *Sheriff* ghoS Archer 'e' ra' Sheriff.

jatlh: <<Dorpa' wa' rep, vengHomwIjvo' yImej!>>
ghel HoD: <<BethanyvaD qaS nuq?>>
jang: <<qaStaHvIS wa'maH DIS, bIghHa'Daq ghaHtaH.>>
vaj bIghHa'vo' Bethany nge' Archer.

Haw'taHvIS, bong BethanyDaq bach *Deputy Sherriff* (SherriffHom).
vaj Bethany, Archer je lujollu'.

SherriffHom pon ghu'vam: nItebHa' vum Skags, Archer je. vaj luQaw'nISlu'chu'.

'entepray'Daq, Skagaran ghaH bethany SoSnI''e' 'e' wIghoj. 
'ej yuQvam luDanbogh Humanpu'e' lonbe' tera' 'e' luSov 'e' luqotlh 'e' wuq Archer.
vaj vengHom botlhDaq Saq lupDujHom. 

tIjHa' Archer, T'Pol, Trip, latlh je. DIvI' HIp tuQ Hoch.
SherriffvaD jatlh Archer: <<maja'chuqnIS>>.
Sherriff ja' Archer. Hoch jatlh.
choH Sherriff vuD.
chaq tugh choHlaH je chutmey, qar'a'?
nem puS, yuQvamDaq chegh tera' Human 'e' lay' Archer.

'ach latlh nab ghaj SherriffHom. Skagarans, Archer je Qaw' neH.
vaj vay tagh.
Qap 'entepray' beq. (motlh.)
rIQchoH ghot puS, 'ach pagh HoHlu'.
Bethany lutatlh, 'ej tlhetlh yIn.

jIQaghchugh, HISovmoH!

--ngabwI'
tIq. taQ. tlhIngan tlhaq. HovpoH!
http://web.tampabay.rr.com/ngabwi/
HovpoH 700799.1

• Prev by Date: Re: Enterprise
• Next by Date: Re: Enterprise
• Prev by thread: Re: Online Klingon Sliderule
• Next by thread: Qo'noS
• Index(es):
  • Date
  • Thread
  • Author

Back to archive top level