tlhIngan-Hol Archive: Fri May 30 15:12:38 2003
[Date Prev][Date Next][Thread Prev][Thread Next]
Re: Tao Te Ching Chp. 39
- From: "Agnieszka Solska" <[email protected]>
- Subject: Re: Tao Te Ching Chp. 39
- Date: Fri, 30 May 2003 20:06:23 +0000
ja' ghunchu'wI':
>>wa' Dol Dotlh chavDI'...
>>Having achieved unity,...
>
>pujlaw' <Dotlh>. chay' qech vIDellaH jIH?
>
><naQ> yIqel.
mu'vam vIqelpu'. wa' chovnatlh neH vIlab. 'ach 'ay'vam vImughtaHvIS
chovnatlhmey puS vIghItlh:
chovnatlh 1: wa' Dol Dotlh chavDI'....
chovnatlh 2: naQchoHDI' ....
chovnatlh 3: wa' Dol mojDI' ....
naDev QaQbej mu' <naQ>. Do'Ha' naDev vIlo'chugh latlh DaqDaq Seng. Daqvam
DaSam SoH je:
>'ach <naQ> wIvlu'chugh, pupHa'law' mu'tlheghvam:
>
> >If heaven had not become clear it would likely split open.
> >HuvchoHpu'be'chugh chal ghaytan naQHa'choH.
qay'wI'na' 'oH Daqvam'e', qar'a'? ' 'ay'vamDaq wa' qech 'oSnIS mu' <naQ>.
qechmey Sar 'oSnISbe'. latlh DuH vInejtaHvIS mu' <ghor> vIqel:
HuvchoHpu'be'chugh chal ghaytan ghor.
Qap 'e' vItul. 'ach DoS poQchugh mu' <ghor> naDev qItbe'.
[If {ghor} needs an object I can't use it here to mean "the sky would split
open"].
chaq mojaq vIlo'nIS neH:
HuvchoHpu'be'chugh chal ghaytan ghorlu'.
latlh DuH Daqel. bIghItlh:
>> naQchoHDI' chal, HuvchoH.
>> naQchoHDI' chavDI' tera' ngaDmoH...
>
>vIDubmeH, naDev Qap'a' <tay'>?
>
> HuvchoHpu'be'chugh chal ghaytan tay'Ha'choH.
>
>toH, chaq <tay'> QaQ law' <naQ> QaQ puS:
>
> tay'eghmoH Dochmeyvam, QuptaHvIS qo'.
> tay'eghmoHDI' chal, HuvchoH...
Dajqu' 'ej valqu'. 'ach mub'a'? cha' vangwI' poQbe''a' mu' <tay'>?
[Doesn't {tay'} need to be used with a plural subject?]
mu'tlheghmeyvam neH vISam. reH cha' vangwI' lutu'lu':
tay'taHbe' 'Iw bIQ je. [TKW]
[Blood and water don’t mix.]
reH tay' ghot tuqDaj je. [TKW]
[One is always of his tribe.]
wa' Dol nIvDaq matay'DI' maQap. [TKW]
[We succeed together in a greater whole.]
>'ach chaq <wa' Dol Dotlh> DamaSchu'. law' DuHmey.
bIlugh. Do'Ha' pIj Qatlhqu' DuH nIv ngu'meH Qu' 'e' vItu'. rut yapbe'law'
laHwIj 'e' vItu'. chon rur mughmeH Qu'. vamwI' jIH, gheD bIH mu'mey'e'.
mu'mey pupqu' vIvon 'e' vInID 'ach pIj jIH vIvonlu'!
> naQchoH Dochmeyvam, QuptaHvIS qo'.
DuQlaw' <QuptaHvIS qo'>. vIparHa'qu'.
>>vaj <tuq HutlhwI'>, <mobwI'>, <tu'HomI'raH> je
>>bIH ta' joH je permey'e'
>>That is why "orphans", "lonely" and "worthless"
>> are the names kings and lords use for themselves.
>
>The Klingon lacks the "for themselves" idea, which I think is an important
>one in this passage.
>
> per'eghmeH ta' joH je, vaj chaHvaD
> <tuq HutlhwI'> <mobwI'> <tu'HomI'raH> je pong.
Hmm, chaq bIlugh 'ach qechvam vIjonmeH jaS mu'tlheghvam vImugh. Qaplaw'
tlheghmeyvam 'e' vItul:
vaj <tuq HutlhwI'>, <mobwI'>, <tu'HomI'raH> je -
per'eghmeH pongmeyvam lo' ta' joH je.
loQ 'ay' 42 lurur je:
<tuq HutlhwI'>, <mobwI'>, <tu'HomI'raH> je –
Dotlhmeyvam muS ghotpu'.
'ach Del'eghmeH permeyvam lo' chuQun.
nIbbe' 'ay' 39, 'ay' 42 je 'ach rurchuq.
>>Separ boch rur chaH neHbe' .
>>They don't wish to glitter like gemstones.
>
>qatlh potlh <Separ>? yapbe''a' <naghboch>?
mu' "yu" (jade, jewel, gem) mughlu'meH, yapbej <naghboch>.
'ach naDev wot <boch> je vIlo' vIneH China chovnatlhmo' -
cha' mu'mey lo' chovnatlhvam. [The Chinese text emphasizes
two verbs - "lu" (glitter/shine) and "luo" (to rumble)]:
bu yu lu lu ru yu,
luo luo ru shi.
Do'Ha' <naghboch boch> vIpar, cha'logh qaSmo' {boch}.
latlh DuHmey vIqel je 'ach beqpuj, cha'pujqut je vIpar
chaq qab Separ je 'e' vItlhoj. vaj tlheghmeyvam vIchoHnIS:
naghboch rur chaH neHbe' .
nagh chuS rur 'e' lumaS.
'ISqu'
_________________________________________________________________
Add photos to your messages with MSN 8. Get 2 months FREE*.
http://join.msn.com/?page=features/featuredemail