tlhIngan-Hol Archive: Sat Jul 05 08:54:22 2003
[Date Prev][Date Next][Thread Prev][Thread Next]
SIS jev SoD
- From: Alan Anderson <[email protected]>
- Subject: SIS jev SoD
- Date: Sat, 5 Jul 2003 08:48:39 -0500
wa'Hu' pov SISchoH
ghIq jevchoH
Sormey ghor SuS'a'
'ul nIS pumbogh Sormey
vergh HeDaq ("driveway") gham tIn chagh Sor
Do' DujwIj QIHbe'
qaStaHvIS wej rup jevbe' 'ej SISbe'
Sor gham vIlaghmeH ghopDu'wIj vIlo'
Sor gham vInge' SomrawwIj vIlo'
juHmaj tlhop yotlh vIghIHHa'moH Sor DI vIbI'
tugh Huv Hoch
'ach DachtaH 'ul
Hurgh juHmaj
'uQ wIvutmeH Hur "grill" wIlo'
(beb ghaj qachmajmo' 'em qay'qu'be' muD Dotlh)
maleghmeH weQmey DIlo'
choS tlhab jaj lopmey DIbejmeH maghoS
QaD muD 'ach loplaw' je chal
pIj chal 'ul wov law' "fireworks" wov puS
yIQ juHmaj
qaStaHvIS ram SISqu'taH
DaHjaj SIStaHqu'
juHmaj yotlh SoDtaH
juHmaj cholmeH He waQ bIqtIqHey nov
DaHjaj po beb vInuD
'oHDaq pumpu' wej Sor gham 'ach naQlaw' beb
nIjbe'taH
Qap ghogh HablI'
QaptaH De'wI'wIj
DaH tlhIHvaD De'wIj vIngeH
-- ghunchu'wI'