tlhIngan-Hol Archive: Fri Oct 18 11:37:53 2002
[Date Prev][Date Next][Thread Prev][Thread Next]
marlo Hatlh bom
ja' Qov:
>tlhoywIjDaq bom'e' mughbogh ghunchu'wI' tu'lu'. mughnISbe'qa'lu'
bomvam mugh ghaH net tungchugh, ghaHvaD (HochvaD je) 'oH vImuchnISlaw'.
>This particular
>poem has already been translated by one of the best Klingon speakers on the
>planet, but I do not think it has been published.
DaH vImuchmo' nob vIle'Ha'be'jaj.
:: :: :: :: :: :: :: :: :: :: ::
bangDaj ja' SepwI' nong
tera' DIS wa' vagh Hut Hut
qon QIStov marlo
HItlhej, matay', bangwI' yImoj.
'ej nubelmoHbogh Hoch DIpoj:
Hoch HuDmey ngechmey yotlhmey je
DIchov nuluptaHvIS Hatlh He.
'ej naghmeyDaq maba'. pov ghu'.
yotlh Ha'DIbaH Qorgh SepwI'pu'.
Sum bIQtIq jot. bIQtIq qojmey
naDmeH ghe'naQ bom puvwI' 'ey.
QongDaqlIj tun vIHe'moHmeH
tlhonDu'lIj SeymoH tImey DeH.
chenmeH mIvHomlIj naH vIlagh.
yIvbeHDaq pormey 'IH vIbagh.
toH! Ha'DIbaH nIt Surghlu'pu'
vaj paHlIj naQmoH DIr nIvqu'
waqmeylIj qoD tujmoH veDDIr.
baS naghboch je ngaS waqlIj mIr.
Dunbej qoghlIj, chenmoH tI 'IH.
SIrghmeyDaj tay'moH naghDIr tIH.
nIDuQlaHchugh belna'vam Doj
HItlhej, matay', bangwI' yImoj.
nIbelmoHmeH, Hoch jajlo' chu'
reH mI' 'ej bom SepwI'pu' qu'.
nIpIlmoHchugh bel'a'vam Doj
HItlhej, matay', bangwI' yImoj.