tlhIngan-Hol Archive: Wed May 29 13:48:01 2002
[Date Prev][Date Next][Thread Prev][Thread Next]
Re: simple Klingon game (was Re: Help with a short beginner's class in Klingo...
- From: [email protected]
- Subject: Re: simple Klingon game (was Re: Help with a short beginner's class in Klingo...
- Date: Wed, 29 May 2002 13:47:44 EDT
In a message dated 5/29/2002 9:32:08 AM Mountain Daylight Time,
[email protected] writes:
> Often we play Fluxx, which Qov introduced to me at a qep'a'.
>
ghobe', navmey let Quj 'oH. taghDI' wa' chut neH lupabnIS Hoch QujwI'pu'.
loS navmey let 'uchlI' Hoch QujwI'. navmey let tutvo' wa' latlh woH QujwI'
wa'DIch. *Keeper nav ghajchugh QujwI'vam, vaj porghDaj tlhop raSDaq lan.
wanI'vammo' woDnISbe'mo', vaj *Keeper ponglu'. wa' nav let woD QujwI'
wa'DIch. ghoQ nav 'oHchugh, vaj Quj ghoQ luSov Hoch QujwI'pu'. chut choHmeH
nav woDchugh QujwI' wa'DIch, choHchu' Qujvam chutmey jay'! chaq cha' navmey
wej navmey loS navmey ghap woHnIS QujwI' veb.
DaH Quj QujwI' cha'DIch. tutvo' wa' nav woH ghaH. (chutmey choHpu'chugh 'ej
cha' wej loS ghap woHnISchugh, vaj ruch.) chaq chutmey choHpu'mo' chut nav
vebHa', vaj law'bogh navmey let woDnIS je. chaq DaH ghoQ nav chu' Quj QujwI'
cha'DIch. vaj ghoQ pIm lunejlI' Hoch QujwI'pu'.
rut qum chut nav lan vay'. chaq *Keeper navmey DuDlu' 'ej ghomHa'qa'lu' 'e'
ra' navvam.
qaja' rIntaHpa', qechvam vIQIj vIneHbej. *Fluxx Quj chutmey choHlaH Hoch
nav. vaj le' Qujvam 'ej lutIvbej valtev tuqnIghpu'.
wa' cha' ... wa'maH Quj wItIv je. QaQ QujlIj.
peHruS