tlhIngan-Hol Archive: Mon May 13 17:43:40 2002

Back to archive top level

To this year's listing

[Date Prev][Date Next][Thread Prev][Thread Next]

EK: reH nughatlhtaH neH gholwI'.

> This is the Klingon Word Of The Day for Sunday, May 12, 2002.
> 
> Klingon word:   ghatlh
> Part of Speech: verb
> Definition:     dominate

muqawmoH mu'vetlh. nughatlhtaH be'nal puqbe' vav neHlaw' be'nal puqbe' vav. not 
bel. not Quch. pIj puqDaj SuchmoHmeH mab bIv. HIghqang.

chovnatlhmey vIDel. qaStaHvIS DuSaQDaj DIS, juHwIj Dab puqvam. taghDI' 
*Summer* 'ej rInchoHDI' DuSaQDaj DIS, ghIq qaStaHvIS cha' Hogh juHwIj DablI' 
be'nalwI' puqbe'. ghIq vavDaj DabchoH puqvam. Hoch ngoDvam poQ mab.

DuSaQDaj DIS taghqa'DI' cha' Hogh ret juHwIj DabnISchoH puqvam. juH choHmeH 
wanI'mey nabDI' puqvam vav, maja'nISchuq 'e' poQ mab.

reH puq rI' vav. not SoS ja'qang. not muja'qang. reH puq ghatlh. reH puqvaD vav 
nab lajmoH vav. qaSpa' wa'DIch mab jaj, vav juH DabnISchoH puq 'e' qap vav. 
paSpu'DI' mab jaj Qav, vav juH DabnIStaH 'e' qap vav.

qatlh gholHeyma' Da vavvam? be'nalwI' nuQmeH vanglaw'.

puqbe'lI' SaHbe'law'. loQ pI' puqvam. reH *candy*, *potato chip*mey latlh veQ 
nob vav. puq Qutlh DIlQo' vav. vIng. reH jatlhtaH <<Qu' vIHutlh! Huch vIHutlh! 
vIDIllaHbe'!>> *lawyer* Sawpu'. juHDaj tIn law' juHwIj tIn puS. 'up.

*R rated* muchmey leghmeH QaH vav. wa'maH vaghben bogh puqvam. *TV* bejmeH 
paSqu' QongmeH poH 'e' chaw' vav. puqvaD Sutmey law' je'. *uncle daddy* Da.

pabDI' vav, wIvmeyDaj vIlaj, 'ach bIvDI', gholwI' moj. bIvtaHchugh, jaghwI' 
moj. vavvetlhvaD jISengqangbej. chaq bIghHa' DabchoH. bIv 'e' vImevnIS.

charghwI'

Back to archive top level