tlhIngan-Hol Archive: Mon Jun 24 13:18:21 2002

Back to archive top level

To this year's listing

[Date Prev][Date Next][Thread Prev][Thread Next]

Re: Translating vs. Thinking

> ja' charghwI':
> >DISvam jISaw. tlhoghwIj wa'DIch 'oH. yInwIj Dubchu' tlhoghvam. loSmaH 
> >Sochben jIboghpu'. jIloSqu'pu'. jIloSpu'mo' jIbel. jISawpa' jISawrupbe' 'ej 
> >be'nal pup vISamta'be'.

> tlhogh QaQ ghajbe' vavwI' SoSwI' je. 

Do'Ha'.

> not tlhogh lurInmoH, 'ach pIj ghoH 'ej 
> pIj Sol.  tlhoy ghoH 'ej tlhoy Sol.  vaj, jIyepqu'.  chaq tlhoy jIyep.

chaq qechmeylIj SeHmeH, reH ghoHrup. chaq bIchupnIS. yIjatlh:

<SuwuqlaH. reH SumoghchuqmoHlaHtaH. SuvuvchuqchoHlaH 'ej SutIvchuqchoHlaH. 
SuchevlaH. HImoghmoHtaHQo'.>

> tagha' bang DuH vISampu', 'ach muneHbe' ('ej muneHbe'taH).  mu'ItmoHpu'.

DuneHbe'taHchugh vaj wej bang DaSamta'. be' DaSamta' neH. wo'Daq be'pu' law' 
lutu'lu'. puSqu' bangpu'. yI'ItQo'. yInejtaH. DaSampa', nIteb yInlIj yItIv. 
bI'IttaHmeH-poH yIreyQo'. bI'IttaHvIS poHlIj yInatlhQo'.

SoHvaD potlh yInlIj. Qu'vetlhvaD yIngoy'!

QaQchugh yInlIj, ghaytan DuSam bang. qabchugh yInlIj ghaytan Dujun bang.

'ej not pawchugh bang, QaQchugh yInlIj, vaj QaQ yInlIj.

> bang DuH chu' vISamlaw'DI', yabwIj muja':  <<"Kate" QaQ law' be' chu' QaQ 
> puS.>>  vaj be' vIlajQo'. 

qatlh 'ovnIS be'pu'vam? yap'a' be' chu'? DuneHbe'chugh *Kate*, vaj ram *Kate*. 
bang DaSamrupbe'law'. DaSamrupbe'chugh, chay' bI'IQ? be' DaSamrupbe'bogh 
DaSamta'be'. bI'IQmeH meq QaQ 'oHbe'.

bI'IQruplaw' neH.

> ghaHvaD 'ebna' vInobbe'.  veqlarghwI' ghaH 
> "Kate"'e'. 

'IHlaw'.

> vIlIjnISqu', 'ach vIlIjlaHbe'.  'oy'moH parmaq tatlhbe'lu'bogh.

HevmeH nobHey 'oHbe' parmaq'e'.

bIrIQlaw'. yIrach'eghmoH. parmaq DaSamruppa', yInejQo'. DaSamruppa' Danejchugh, 
DarIQ'eghmoH neH.

> muneHbe' "Kate".  pIch ghajbe'.  pIch vIghaj, vIlIjlaHbe'mo'.  
> mulIjmoHlaHbogh be' vInej.
 
Qo'! qatlh be'pu' DanatlhlI'? *Kate* DalIjmeH Qu' 'oH Qu'lIj'e'. latlh be' 
Qu' 'oHbe'. yIngoy'! Qu'lIj'e' yIta'! latlh be' poH yInatlhQo' bIwuqtaHvIS. 
nIteb Qu'lIj yIta'. 

charghwI', qeSwI''a'
[jIqIDba']

Back to archive top level