tlhIngan-Hol Archive: Mon Jun 17 16:04:00 2002

Back to archive top level

To this year's listing



[Date Prev][Date Next][Thread Prev][Thread Next]

Re: Headers. Yet again.



> jabbI'IDmeyvam ngoQ vIghochlaHbe'.

chaq bI'umbe'. yIqeqtaH neH. {{:)>

> teHba'bogh qechmey maq Hoch 'ej teHbe'ba'bogh qechmey maqtaH Hoch 'e' pum 
> latlh. SungachtaHvIS maghojbe' maH. 

ghaytan bIlugh, 'ach muqaDlu'DI' jIjegh neH DaneH'a'? Hol Del pab 'e' maq *MO*. 
Hol HaDchu'lu'chugh pabmeyvam lu'tu'lu' 'ach taghlu'DI' ghojwI' QaHnISlu'. 
QaHmeH chutmey 'agh *MO*. bIvlu'chugh, ghaytan jatlhHa'lu', 'ach rapchu'be' 
jatlhmeH laH, chutmey je. tlhoS rap, 'ach rapchu'be'.

meq QaQqu' DaHutlhchugh, yIpab, 'ach Holvam DaHaDtaHchugh 'ej chutHey chu' 
Datu'chugh, chaq lugh chutvam.

> nuq'e' bomaqtaH jay'? tlhIngan Hol mu' patlh boqellaHbe' SungachtaHvIS. 

nuqjatlh? nuq 'oH tlhIngan Hol mu' patlh'e'? lugh'a' mu'vam Qav?

> mu'tlheghDaq patlh DIch ghaj Hoch mu', 'ej Sarqu'be' mu'tlhegh Seghmey,
> 'ej 
> mu'tlhegh HochHom Segh 'agh MO.

mu' Qu' DaqellI''a'? mu'tlheghvaD nuq ta' Hoch mu'?

> ngachmoHchu'bogh qechmey boSovchugh, vaj 
> qechmeyraj Daj law', qech motlh Daj puS. lIngachmoHlaw'taH wa' qech'a'
> neH 
> bobuSHa'pu'bogh. pat naQ, pab ghom ghap 'oH Hol'e'?

nuqjatlh? ghelbe'bogh mu'tlhegh tlha'pu' Degh <?> toH:

pat naQ, pab ghom ghap 'oH'a' Hol'e'?

Hol 'oH Hol'e'. rur pagh.

> tlhIngan Hol mu'ghom 
> lIHmeH 'ay' yIlaDqa'lI'. "The grammatical sketch is intended to be an
> outline of Klingon grammar, not a complete description." naQbe' pab 
> gherlu'bogh 'ach naQqu' Hol'e'.

naQbe' Hoch Holmey, 'ach loQ maQochbe'. Hol tIn law' Hol Dellu'chu'bogh tIn puS.

> Holpat wIyaj rut 'e' wISachmoHlaH, DuH'a'mey wIloyDI'. 

wIloypu'DI' 'ej qaStaHvIS DISmey law' qarlaw'taH chutHey, chut moj. chaq 
chutna' moj.

> ngoDHeyvam Damaqlaw' qar'a', charghwI': pab HurDaq 'oHtaH mIS'e' neH.
> vaj reH mapabnIS 'ej maloybe'nIS.

bIqarchu'be'. bIloyDI' Hol yIchoHQo'. chovnatlhmey vI'agh.

loypu' *Prochel*. DIp DalaH Hoch wot 'e' maq. jatlh *Prochel* <<HIvuSQo'! 
jIvItbej! SujIv neH!>>. not chutqoqvam Dapu' *canon*. Hol choH chutvam 'e' nID 
chutvam.

mujbej 'e' maq *MO*.

jIloypu' je. mojaq le' <<-'e'>> Daqelbe'taHvIS 'ej vIHmeH wotmey le' 
Daqelbe'taHvIS, reH Segh vagh mojaq ghajDI' DIp, DIpvam tlha' *Direct Object*. 
Hol vIchoH vIneHbe'. Hol vIDel neH vIneH. reH chutvam DataH *canon*.

jIlughlI'. chaq pIq jImujchoH, 'ach jIlughbejlI'.

loypu' SuStel. mojaq le' <<-'e'>> Daqelbe'taHvIS 'ej vIHmeH wotmey le' 
Daqelbe'taHvIS, chaq rut Segh vagh mojaq ghajlaH *Direct Object*, *Subject* 
ghap. not chutqoqvam Da *canon*. Hol choH chutvam 'e' nID chutvam.

mujlI'. chaq pIq lughchoH, 'ach mujbejlI'.

> vaj pab Hur wIjaHchugh, chaq mamuj.

*canon* yIHaD. *canon* DaqeltaHvIS nger Daqonchugh, chaq bIlugh. 

*canon* DabuSHa'taHvIS, tlhoy pab DanuDchugh 'ej Hol DachoHlaHmeH chutHom ram 
Datu'law'chugh, vaj ghaytan bImuj.

DelmeH Hol pab tu'lu'. choHmeH Hol pab tu'be'lu'.

> qar'a'? jaS  maq SuStel: 
> pab Hur wIjaH net chaw'nIS, tlhoS Hol pat naQ 'angtaHmo' pab ghom  
> naQbe' gherlu'bogh, 'ej nuDevlaHtaH De' woj chenmoHmeH taghpu'bogh MO.

Qatlh mu'tlheghvam. qayajchu'be'.

jIloyDI', loQ pab Hur vIghoS. *canon* vIDelmeH loQ pab vIrey. Hol vIchoHbe'. 
pab chut vIchoH. DaH Hol wIghajbogh vIDel vIneH. vIchoH vIneHbe'.

loyDI' SuStel, pab qoD HaDchu'pu'. vuSchu'be' chut 'e' tu'. jatlh <<HIvuSQo'!>>

jatlh <<ghaytan mojaq Segh vagh ghajlaH *Subject*, *Object* joq.>> not 
chutqoqvam Dapu' *canon*. Hol choHlaH SuStel neHlaw' SuStel.

vaj mangachtaH.

> SuStel DoS vIqIp je.

Holmaj DachoH DaneH'a'?

> maval Hoch 'ej malugh wIneH Hoch. 'ach pabmey neH 'oHbe' Hol'e' 
> 'e' wISov.

pab chut lo' SuStel. DaHjaj chutHomDaj Dabe' Hol. Hol choH neHlaw'.

pab neH 'oH Hol 'e' Harlaw' SuStel. pabvam DaHaDchu'chugh vaj Hol choHlaH 
pabwI'. Hol buSHa'. pab neH buS.

vaj maQoch SoH jIH je.

> pat naQ yIvuv.

*canon yIvuvchoH.

> nger tIHajQo'.

ngerwIj Hajlaw' SuStel. qatlh chopumHa'?

> Hol wIlo'qu'taHvIS ngugh pabmey 
> wISovtaH 'ej DIpab, 'ach ngermey DIqellI'meH matlhab. ghovuSQo'.

nuqjatlh?

"While we very much use language, at that time, we knowing [sic - singular 
object] grammars and we follow the rules [probably intransitive, but now with 
plural direct object], but in order that we are considering [progressing to a 
foreseeable goal] theories, we are free."

'ej pIyajbe' 'e' DaSIv.

> -- 
> Andrew Strader

charghwI'




Back to archive top level