tlhIngan-Hol Archive: Sun Jun 16 12:53:56 2002
[Date Prev][Date Next][Thread Prev][Thread Next]
Re: Headers. Yet again.
- From: Andrew Strader <[email protected]>
- Subject: Re: Headers. Yet again.
- Date: Sun, 16 Jun 2002 17:52:42 +0000
- Organization: Decode
jabbI'IDmeyvam ngoQ vIghochlaHbe'. teHba'bogh qechmey maq Hoch 'ej
teHbe'ba'bogh qechmey maqtaH Hoch 'e' pum latlh. SungachtaHvIS maghojbe' maH.
nuq'e' bomaqtaH jay'? tlhIngan Hol mu' patlh boqellaHbe' SungachtaHvIS.
mu'tlheghDaq patlh DIch ghaj Hoch mu', 'ej Sarqu'be' mu'tlhegh Seghmey, 'ej
mu'tlhegh HochHom Segh 'agh MO. ngachmoHchu'bogh qechmey boSovchugh, vaj
qechmeyraj Daj law', qech motlh Daj puS. lIngachmoHlaw'taH wa' qech'a' neH
bobuSHa'pu'bogh. pat naQ, pab ghom ghap 'oH Hol'e'? tlhIngan Hol mu'ghom
lIHmeH 'ay' yIlaDqa'lI'. "The grammatical sketch is intended to be an outline
of Klingon grammar, not a complete description." naQbe' pab gherlu'bogh. 'ach
naQqu' Hol'e'. Holpat wIyaj rut 'e' wISachmoHlaH, DuH'a'mey wIloyDI'.
ngoDHeyvam Damaqlaw' qar'a', charghwI': pab HurDaq 'oHtaH mIS'e' neH. vaj reH
mapabnIS 'ej maloybe'nIS. vaj pab Hur wIjaHchugh, chaq mamuj. qar'a'? jaS maq
SuStel: pab Hur wIjaH net chaw'nIS, tlhoS Hol pat naQ 'angtaHmo' pab ghom
naQbe' gherlu'bogh, 'ej nuDevlaHtaH De' woj chenmoHmeH taghpu'bogh MO. SuStel
DoS vIqIp je. maval Hoch 'ej malugh wIneH Hoch. 'ach pabmey neH 'oHbe' Hol'e'
'e' wISov. pat naQ yIvuv. nger tIHajQo'. Hol wIlo'qu'taHvIS ngugh pabmey
wISovtaH 'ej DIpab, 'ach ngermey DIqellI'meH matlhab. ghovuSQo'.
--
Andrew Strader