tlhIngan-Hol Archive: Mon Jun 10 16:04:18 2002
[Date Prev][Date Next][Thread Prev][Thread Next]
matlhHa'ghach
- From: Andrew Strader <[email protected]>
- Subject: matlhHa'ghach
- Date: Mon, 10 Jun 2002 20:03:50 +0000
- Organization: Decode
charghwI', batlh bIjangta'. lut naQ vIja'meH loQ Qatlhpu' 'ej rut
qayajmoHchu'be' 'a wa' DoS wIqIplaw'. Su', jupwI' Hoch meqmey vIyajbe' 'ach
be'nalDaj muSHa'bej. pungmo' QaHmo' ghap Sawpu'be'. muSHa'qu' ghaH.
wempu'bogh loDmo' bIrchoH tIqDaj ghaytan 'e' botqang neH. vaj qa' 'oy'
SIQchu'. muDuQ ghu'Daj, 'oy'moHlaH bangqoq matlhHa' 'e' vISovmo'. loS ben
pay' tay'choH bangqoqwI' latlh Sawpu'bogh vay''e' je. wanI' vISovchoHDI' law'
'oy'wIj, ghIq vIlajHa'. 'e' baj je ghaH. Do' be' DaH vImuSHa'bogh 'ej
vISawrupbogh vIvoqchu', matlhtaH reH 'e' 'angmo'.
generalization vIja'bej jIH 'ach Daja'bej je SoH. quvna' vIqeltaH;
quvHa'ghach Sarqu' vIqeltaHbe'. not pImchoH yoqpu'. wanI'meychaj
lunuDlu'chugh, leSSov ghajchoHlu'. Qagh 'ej Qaghqa' chaH. puS vajna'.
Qo'noSDaq puS je.
DaH jotlaw'taH jupwI' qa', tIq 'oy'Ha'moHlI'mo' poH.
>ghItlhlIj tIn law' gha'tlhIq tIn puS.
tInchugh ghItlh, potlhbejbe', pagh, potlhchugh tInbejbe'.
--
Andrew Strader