tlhIngan-Hol Archive: Mon Jun 10 14:13:00 2002
[Date Prev][Date Next][Thread Prev][Thread Next]
Re: jI'It
> toH, 'oy'nISqu' matlhHa'wI'pu'.
toH! SoHvaD matlhHa'lu'law'pu'. tlheDpu'bogh nuv neH tIqlIj. bI'Itmo' ghItlhlIj
tIn law' gha'tlhIq tIn puS.
> meqmeychajmo' batlhchaj Honlu'chu'.
wa' nuv yIDel. bI*generalize*Qo'. matlhHa' nuvpu' law' 'ach DunwI'pu' puS
tu'lu'. yap.
> reH parmaq napHa' law' matlhlaHghach napHa' puS. muSHa'wI'pu'Hey raDtaH
> tIqchaj neH.
'IHmo' HoSghajlaw'. tIqlIj SuqtaHvIS HoSghajchu'. tIqlIj Suqta'DI'
HoSghajtaHbe', ghIq HoSghajqa'meH latlh tIq SuqchoH.
> roD batlh lubuSHa'. jupwI' lutmo' pung vIchup. bangDaj Sawpa' ghaH,
> tlhoghbatlh wempu' latlh loD. bong be' yatlhmoH 'ach muSHa'be' loDvam.
toH! SoHvaD qay'be'. juplI'vaD qay'lu'.
qoH quvbe' ghaHba' be'vam. ghaytan batlhHa' jeS.
> wej boghbogh puqbe'vetlh SaHlaw'mo' loDvam, SoS mojbeHlI'bogh be' Sawta'
> ghaH.
qoH ghaHba' 'ach jan ghaHbe'. <mojruplI'bogh> Dalo' 'e' DaHechlaw'.
> tugh 'upchoHba' ghu'vetlh.
batlhHa' vangDI' be' 'upchoH. SawDI' DoghchoH.
> tlhoghvetlhmo' not Quch ghaH be'nalDaj joq.
merlu''a'?
> parmaq HutlhtaHmo' loDvam cha'logh tlhoghvaD matlhHa' ghaH.
qatlh Saw? nuq pIH? cha' qoH chaH.
> wej nayta'bogh be' ngagh loDvam matlhHa'DI'.
taj jejHa' lo'taHvIS, qIvonDu'Daj luteqnISlu'.
> be'vetlhvaD nep 'ej batlhHa' pon loD. ghIq be'vam
> quvHa'moHlu'bogh qIH jupwI' 'ej SawqangchoH.
qoH ghaH juplI''e'. SawmeH meq qabqu' 'oH QaHmeH Qu''e'. be' Sovbe'bogh
SawqangmeH 'ej latlh puqvaD vav DaqangmeH yInDaj lonqanglaw'. lo'laHbe'law'
yInDaj.
> 'ach potlhlaw'mo' vIt ja'chuq be'vam jupwI' je. Hoch DISlu'pu'DI', jupwI'
> merqu' matlhHa'ghach'a'vetlh. 'oH qeH pagh qeHbe' wa'DIchlogh matlhHa'pu'bogh
> loD'e' net Sovbe', 'ach jupwI''e' 'oymoHbej.
ghaytan vIyajchu'be' 'ach chaq loQ vIyaj.
> wanI'mey not botlaHbogh qeHqu' 'ach be' muSHa'bogh Sawqu'ta'.
tlhoy wo'vo' pIH juplI'. jatlhlaw' <muvuvnIS SuS!>
> muDuQqu' lutvam, yInwIj cholqu'mo'. jupwI'vaD pung vI'ang 'ach ghaH
> 'oy'Ha'moHlaH poH neH.
'oy'Daj wIvpu' juplI'. ghaHvaD 'oy'vetlh DawIvHa'laHbe'. SanDaj vu'Ha'pu'.
vay' 'IQmoH ghu', 'ach wIvDaj 'oH. wIvlIj 'oHnISbe'.
> toH, tlhIngan Hol Dalo'lI'mo' bIDIStaHvIS, be'nallI' teSDu'Daq nIjbe'
> pegh quvHa' 'e' DaqaSmoHba'. vaj DIch Daghaj 'ach ghaytan naDev pung
> noblu'Qo'.
> jIja'qa', napHa' parmaq, 'ach reH quvlaH meqmey. ngaDHa'pu'mo' wa' loD
> quvHa', DaH be'nal tlhoghbatlh HonnIStaH'a' jupwI'?
meq mujmo' Sawpu'. DaH matlh'a' be'nal? DaH matlh'a' loDnal? tuq chenmoHlI''a'?
ngoQ lughaj'a'? puq Qorghlu'chu''a'? qatlh Sawpu'? ngeDchoH ghu'vam 'e'
lupIH'a'?
yInDaj vu'Ha'pu' juplI'. yInlIj vu'Ha' jupvam 'e' yIchaw'Qo'!
> may'a'?
leSSov Hutlh Hoch. wIvHa'lI' juplI'. qatlh Saw? nuq pIH? qatlh pIH? DaH chay'
wIvqang? 'oyDaj SaHqangmoHlaw'.
> --
> Andrew Strader
charghwI'