tlhIngan-Hol Archive: Sun Jun 09 12:07:42 2002
[Date Prev][Date Next][Thread Prev][Thread Next]
Re: jI'It
- From: Andrew Strader <[email protected]>
- Subject: Re: jI'It
- Date: Sun, 9 Jun 2002 16:07:12 +0000
- Organization: Decode
toH, 'oy'nISqu' matlhHa'wI'pu'. meqmeychajmo' batlhchaj Honlu'chu'. reH
parmaq napHa' law' matlhlaHghach napHa' puS. muSHa'wI'pu'Hey raDtaH tIqchaj
neH. roD batlh lubuSHa'. jupwI' lutmo' pung vIchup. bangDaj Sawpa' ghaH,
tlhoghbatlh wempu' latlh loD. bong be' yatlhmoH 'ach muSHa'be' loDvam. wej
boghbogh puqbe'vetlh SaHlaw'mo' loDvam, SoS mojbeHlI'bogh be' Sawta' ghaH.
tugh 'upchoHba' ghu'vetlh. tlhoghvetlhmo' not Quch ghaH be'nalDaj joq. parmaq
HutlhtaHmo' loDvam cha'logh tlhoghvaD matlhHa' ghaH. wej nayta'bogh be' ngagh
loDvam matlhHa'DI'. be'vetlhvaD nep 'ej batlhHa' pon loD. ghIq be'vam
quvHa'moHlu'bogh qIH jupwI' 'ej SawqangchoH. 'ach potlhlaw'mo' vIt ja'chuq
be'vam jupwI' je. Hoch DISlu'pu'DI', jupwI' merqu' matlhHa'ghach'a'vetlh. 'oH
qeH pagh qeHbe' wa'DIchlogh matlhHa'pu'bogh loD'e' net Sovbe', 'ach jupwI''e'
'oymoHbej. wanI'mey not botlaHbogh qeHqu' 'ach be' muSHa'bogh Sawqu'ta'.
muDuQqu' lutvam, yInwIj cholqu'mo'. jupwI'vaD pung vI'ang 'ach ghaH
'oy'Ha'moHlaH poH neH.
toH, tlhIngan Hol Dalo'lI'mo' bIDIStaHvIS, be'nallI' teSDu'Daq nIjbe' pegh
quvHa' 'e' DaqaSmoHba'. vaj DIch Daghaj 'ach ghaytan naDev pung noblu'Qo'.
jIja'qa', napHa' parmaq, 'ach reH quvlaH meqmey. ngaDHa'pu'mo' wa' loD
quvHa', DaH be'nal tlhoghbatlh HonnIStaH'a' jupwI'? may'a'?
--
Andrew Strader