tlhIngan-Hol Archive: Mon Jun 10 15:08:20 2002
[Date Prev][Date Next][Thread Prev][Thread Next]
Re: jI'It
> vay'vaD lutwIj vIja'nIS. narghnIS vIt net Sov. jIbIv 'ej jIlay'Ha'. wa'maH
> chorgh ben vISawta'. jImatlh 'ej jIvoqlu' 'e' vIlay'pu'. jav wen, jIlay'Ha'.
> latlh be' vISamta'. matay'DI', poHma' wItIvqu'. maQuchqu'. 'ach, manepchuq.
> taHbe' poHma'. reH be'nalwI' vImuSHa'.
DamuSHa'chu'be'ba'.
> tlhoghwIjvaD vay' vIchIlpu'. choHta' vay'. qaStaHvIS wa'maH chorgh DIS,
> jIchoHtaH...
choHtaH Hoch. bIle' chay' 'e' DapIH?
> choHtaH be'nalwI'. nuvpu' pIm DImoj. Dunqu' wa'DIch bang . qatlh taHbe'?
> qatlh latlh vISamta'? qatlh jIHvaD yapbe' be'nalwI'?
qatlh maH jutlhob? bIyaj'eghbe'law' 'ach pIyaj nIqIHbe'bogh maH 'e' DapIHlaw'.
> DaH, latlh be' vISuch 'e' vImev. jIQuchHa' jay'. latlh be'vaD vI'oy'moH.
> be'nalwI'vaD vI'oy'moH. jI'oy''eghmoH. jI'It. jImIStaH. jIvangbe'. nuch
> vIDataH.
nuch DaDabe' neH. nuch SoH. bIchoHqang'a'?
ngeDtaHvIS Qu', bImatlhlI'. bItlhu'DI' bImatlhbe'choH. tIqlIj Dogh toy' yablIj.
yI'IQlI'. yImISlI'. yItamtaH. yIloS.
*therapist* yISam.
> yaHmo' poHlIj SatlhIj.
jIHvaD yItlhIjQo'. SoHvaD yItlhIj. SanlIj Davu'Ha'pu'. ghu'lIj DaDubnIS SoH.
tlhoghlIj DavuvHa'. bImatlhlaHbe'chugh, chay' tlhoghlIj DataHmoH? bImatlhchoH
pagh bISayHa'. yIwuq!
bIHeghlI'DI' nIteb yInlIj bIqel. ghIq bIHem'a'?
SoHvaD batlh vIDel: bIHemmeH bIHeghlI'DI' reH yIwIvtaH. bIwIvHa'pu'chugh SIbI'
yIwIvchoHchu' 'ej yIwIvchu'taH.
charghwI'