tlhIngan-Hol Archive: Sun Jul 28 14:54:59 2002
[Date Prev][Date Next][Thread Prev][Thread Next]
Re: Wales-vo' jIcheghpu'
ghItlh Sulu wa':
>lutlIj vIparHa'.
jIbel. mu'mey laD vay' rut 'e' vISIv.
>*Liverpool*ngan jIH.
>*Liverpool*Daq Sum *Wales*.
jIlengtaHvIS, maSumqu'. "M6"Daq jIchIj, ngeng-yoS vIghoStaHvIS.
(ngeng-yoS Dayaj'a'?) pa' "Quaker" qun Daqmey wISuch qorDu'wI'.
yIntaHvIS Hut puq poH, "Quaker" chaH no'wI''e' 'ej "Quaker"
lalDan yaS ghaH vavwI''e'. muHemmoHtaH vavwI'.
>qen *Wales* vISuch je.
>*Llangollen* vISuch.
>*Llangollen*Daq bIQtIq, waw' tIQ pIgh je tu'lu'.
>HuDHom 'oH pIghvam Daq.
>pIghDaq Dochmey law' leghlaHlu'.
Daq Daj DaDel. Do'Ha' vISuchbe'. "Wales"Daq "Caerphilly" waw' tIQ
vISuch. 'IH 'ej Doj. pa' nuHmey tIQ tu'lu'. Dajqu'.
>*Liverpool*Daq naghmey tu'lu'.
>naghmeyvamvaD *Calder Stones* ponglu'.
>naghmeyvamvaD tIQ law' *Stonehenge* tIQ puS.
>wa' naghvaD *Robin Hood Stone* ponglu'.
>naghvamDaq tlhevjaQDaj jejmoHpu' *Robin Hood* 'e' luja'lu'.
>juHwIjDaq Sumqu' naghvam. [It is two minutes' walk away.]
qaStaHvIS cha' tup neH bIyIt 'ej bIpaw, qar'a'? bIDo'qu'.
>naghvam Hotlu'laHbe', 'ach naghmey HochHom Hotlu'laH.
>*Calderstones Park*Daq HochHom tu'lu'.
wej ben "Scotland"Daq jIleng 'ej "Orkney Islands"Daq "Skara Brae"
vISuch. tIQqu'qu'! "Skara Brae" tIQ law' "Calder Stones" tIQ puS
'e' vIHar. qaStaHvIS wa' jaj neH, "Orknies" vISuch 'ej not vIlIj.
jISuchqa' 'e' vIHechbej. 'IH 'ej qu'.
> >jIlengtaH DaH 'e' vImev. juHDaq jIratlh... qaStaHvIS
> >poH ngaj.
>
>pa' bIratlhtaHvIS, tlhIngan Hol yIqeq!
reH boch qutluch lo'lu'bogh net Sov.