tlhIngan-Hol Archive: Tue Jan 29 15:40:42 2002
[Date Prev][Date Next][Thread Prev][Thread Next]
DIvI' Hol poD
DIvI' Hol vIHaD. rut DIvI' Hol poDmoH jatlhwI'pu', 'ach Huj mIwchaj.
SuvtaHvIS tlhInganpu', poDchoH mu'mey net Sov, 'ach tera'nganpu'vaD pImchu'
ghu'. SoptaHvIS mu'mey poDmoH. chovnatlh vI'ang 'ej vImugh:
********************************
nuv wa': Yo! Joe-Bob! Haya dune?
[HIbuS! "Joe-Bob"! DotlhlIj yIDel.]
nuv cha': Fiiiiine. Fiiiine. You?
[qay'be'. jIpIv. DaH jIHvaD DotlhlIj yIDel.]
nuv wa': Fiiiiine. Jeet jet?
[qay'be'. bISoppu''a'?]
nuv cha': Nope. Skweet!
[ghobe'. Ha'! maSop!]
***********************
DaH, chovnatlhvam yInuD. poDba' "Haya dune?". poDbe'chugh "How are you doing?"
moj. lupoDDI', cha' mu' moj loS mu'. wej mu' 'ay' moj vagh mu' 'ay'. Doj.
Dajqu' "Jeet jet?". DapoDHa'chugh, "Did you eat, yet?" moj. cha' mu' moj loS
mu', wa' mu' 'ay' mojmo' wej mu'.
'ach "Skweet" Doj law' Hoch Doj puS. wa' mu' 'ay' moj loS mu'! poDHa'DI' "Let
us go eat" moj.
maDo'. maSuvchu'taHvIS Sopchu' neH tera'nganpu'.
charghwI'
'utlh