tlhIngan-Hol Archive: Tue Jan 29 16:24:29 2002

Back to archive top level

To this year's listing



[Date Prev][Date Next][Thread Prev][Thread Next]

mulengmoH qepHom



qen tlhIngan Hol vIqeqmeH 'eb nIv vIjonbej. wejHu' cha'Hu' je Waiblingen 
(GermanyDaq) qepHom vIjeS. vIlengmeH loQ Hop Waiblingen 'a Hopqu'be'. 
mulengmoHmo' qepHomvam jIQuchqu'. povbej. SaH chorgh jeSwI'pu'. wa' neH 
vISovpu'be'. latlh vISovpu':  BrusselsDaq qaStaHvIS qep'a' chorghDIch vIqIH. 
Do'Ha' SaHlaHbe' cha' qep'a' jeSwI'pu': wa' *Germanyngan wa' *Swedenngan je. 
jaj Qav wa' wIrI'. Dach jupma', "vaHmatlh", 'ach QIn qonlaHmeH jan ghajmo' 
ghogh HablI'Daj batlh jupma' wIvanlaH 'ej ghaHvaD "Qoy qeylIS puqloD" 
wIbomlaH.

SuvwI' Hol muSHa'wI'pu'na' maHbej. qaStaHvIS cha' jaj tlhIngan Hol 
wIlo'taHvIS maQuj, mabom, majaw. maSopmeH je tlhIngan Hol wIlo'nIS. qatlh? 
wa' ghommey DIchenmoH: jabwI'pu' Da wa' ghom, Qe' SuchwI'pu' Da latlh.  Soj 
lujabmeH jabwIpu'vaD tlhIngan Hol lujatlhnIS SuchwI'pu'. jatlhHa'chugh, Soj 
luSuqbe'! taQqu' ghu'vam 'ach tlhaQqu' je.

DaHjaj ramjep jIchegh. jIlengmeH cha' muD Dujmey vIlo' 'e' vInabpu'. Do'Ha' 
SuS HoSghajmo' Qatlh lengwIj 'ej nI'. paSmo' muD Duj, wa'DIch tlheDpu' muD 
Duj cha'DIch vItIjlaHpa'. Qu'vatlh! jeywIj vIchoHnIS: jIcheghmeH latlh cha' 
Dujmey vIlo'nIS! *WarsawDaq wISaqtaHvIS tInqu'mo' SuS, Supqu' muD Duj. Qatlh 
SaqmeH Qu'. Do' po'ba' 'ej 'umba' DeghwI'. Duj SaqmoHchu'ta'DI' luvanmeH 
tochDu'chaj mupchuqmoH raQpo'pu'.

'ISqu'

SKI 'ISqu' enjoyed a qepHom but hated the high winds on the way back



_________________________________________________________________
MSN Photos is the easiest way to share and print your photos: 
http://photos.msn.com/support/worldwide.aspx



Back to archive top level