Re: Klingon chat rooms?

[Qov <qov@direct.ca>]

lab SuStel:

 > tlhoy *jawmeH pa'* lulo'lu' 'e' vItembe', 'a ghorgh
 > tlhoy jaw'lu'pu'?  chay'
 > Sovlu'?

DIvI' Hol vIlo'taHvIS jIjatlhchu'be'.  yIn nISchoHDI' 'IqchoH lo'.

 > tlhoy jawmeH pa' lo'chugh vay', qatlh SoHvaD qay' lo'?

tlhoy jatlhchugh latlhpu' jISaHbe'.  'ach Do'Ha' tlhoy jIjatlh jIH.  loQ 
jIjaw 'e' vIchavlaHbe'.  jawmeH pa' vImuvchugh, jIratlhtaH.  jIHvaD 
qay'bej.  jIQongbe'choH.  jISopbe'choH.  jImuS'eghchoH 'ach jIrarHa'laHbe'.

vaghlogh jIvor'eghmeH jIbupchu'.  jIrarbe' 'e' vIchavlaH.  qaStaHvIS wa' 
Hogh Qatlhqu' Qu', 'ach vIchavlaH.  qaSpu'DI' jar puS, loQ jIjaw vIneH 'e' 
vIwuq.  loSlogh jIrarqa'.  qaSpu'DI' jaj puS mujonqa'.  vaj DaH 
jIHub'eghmeH not vIlo'qa'.  pItlh.

jIpuj 'e' vISov, 'ach 'ay'wIj puj luHublaH 'ay'wIj HoS.

(Interesting, I wanted to use -Du' to represent parts of me that are not 
strictly body parts, but parts of my being.  I didn't feel comfortable at 
all with -mey.)

DaH jIrar vIneH 'ej MUSE cherqa'lu'DI' jIrar vIneHqu'.  'ach jIyIn 'e' 
vImaSmo' jIrarbe'.

 > (qaqaDbe'; qaghel.)

DaH qajangta'.

 > From: "Qov" <qov@direct.ca>
 >
 > > I won't meet you in an online chat room, because I
 > > have a problem with
 > > excessive use of online chat.