RE: Klingonase vs. tlhIngan Hol

[Qov <qov@direct.ca>]

paqvetlh vIghaj jIH 'ej vItIvqu'.  vIje'DI' jIlenglI', 'ej loSmeH pa'Daq 
jIba'taHvIS jIHaghqu'.  jIHaghDI' jIH, mubej Hoch 'e' boSov, 'ach 
tlhaQqu'mo' paq jISaHbe'.  HolwIj'e' ghurmoHpu' paqvetlh.

vuDwIj DaSuqmeH Doch chomuchchugh, jIjatlh:
"I can't rewire it into a death ray without some extra parts."

vulqangan maw' vIparHa'.  "I sing the hypotenuse!"

Klingon: "This is a Model 21 Planetary Survey Vehicle."
Sulu: "This is a Model 18 Ground Attack Unit with an extended crew 
compartment."
Klingon: "You are educated!"

The Model 21 also has a coffee dispenser on board.

tlhInganpu'vaD Hol 'oghta' *Ford*, 'ach *Okrand* tlhIngan Hol lo' 'e' 
nID.  pupbe', 'ach mapupbe' maH, mataghDI'.

bommey vIparHa'be' 'ach <Qebmey joH> bommey vIparHa'be' je.  lut luqagh.

paq DunHa' boqel boneHchugh, vaj *Triangle* yIlaD.   Yeeeachh!

chorghHu' Robert Ludlum paq vIje'.  <Bourne Identity>, <Eiger Sanction> je 
vItIvta', 'ach paqvetlh vImuS! tlhaQ 'e' nID Ludlum, 'ach vItIvbe'.  Sar 
nupu' 'e' vIlaj.

HoSDo' 'oH light bulb'e'.  orghengan 'oH.

----- lab charghwI' ---------
 > jIja'pu':
 > > ... I haven't read "How Much for Just The Planet?" yet.

ben law' paqvam vIlaDpu'. tlhaQmeH qonlu'law' 'ach QapHa'. Hov-leng 'u'
DaSaHchugh ghaytan paqvam DamuS. Dalqu'chugh yInlIj 'ej poH 'Iq Daghaj 'ej Hov-
leng 'u' DaSaHbe'chugh chaq tlhoS DuHaghmoHlaH paqvam. qarbe'chugh ghu'meyvam,
poHlIj yInatlhbe'. paqvam yIjuS 'ej yImevQo'.

 > jach DloraH:
 > >yIlaDQo' jay'
 > >DON'T DO IT!
 >
 > 'ach not paqvetlh vIlaDchugh, chay' "light bulb" vIponglaH? :-)

not yajlaH "light bulb". Doch 'oH. 'IjwI' 'oHbe'. 'oH Daja'laH 'ach not Dujang.

 > jISaghchoH -- qatlh choghuHmoH?  Seng'a' lut?  qab'a' neH?

Dal neH. "be cute" qonwI' 'e' nID qonwI'. ghaytan paqmo' qonwI' bel law' Hoch
bel puS.

 > bIQIjbe'chugh, chotungbe'.  chotlhu'moH!

qajatlhchugh <<qojvo' yIpumQo'>> qatlhu'moH'a'? qajatlhchugh <<mInlIj
yIDuQQo'>> qatlhu'moH'a'?

paqvetlh yIlaDQo'.

 > -- ghunchu'wI'

charghwI'