tlhIngan-Hol Archive: Sat Jan 12 04:03:29 2002
[Date Prev][Date Next][Thread Prev][Thread Next]
yupma' nobmey
yupma' nobmey Del SuvwI'pu' puS. cha' nobmey neH vIHevpu' jIH. be'nalwI'
Marinavo' Zahava Ben QoQ CD 'oH wa''e'. DIS vebHa' jup vIqIHta' 'ej SarDan
ghaH. ghaHvo' Science Fiction Places paq vIHev. pIq nI' SarDan ghojmoHwI'
Lydia vISov; pIj matay'taHvIS mamI'.
qorDu' latlh nuvpu' vIHutlh. Heghpu' SoSwI' vavwI' loDnI'wI' je. wa' puq
neH boghmoHmo' SoSwI' SoS, 'ej wa' puq neH boghmoHmo' vavwI' SoS, tey' lor
vIn pIm je vIHutlh. wa' puqbe' ghaj Marina. Elena ponglu'. wa'maH ben
BrazilDaq boghpu'. maghomchuqbej, 'ach California Sep vavDaj juH Dabmo'
Elena, 'ej pa' DuSaQDaq HaDmo', maSovchuqlaw'be'. Elenavo' nob vIHev 'ej
paghna' 'oH jay'!
'oDwI' (Pam Brown) vISovtaH. 'ach qaStaHvIS QISmaS, rop ghaH 'ej juHDaj
vISuchbe'.
juppu'vaD cha'maH Soch nobmey vIHIjmo' jIQuch. SIna' Hol loS ghojwI'pu'
vIghaj. tugh SIna' puqpu' Suq cha' be'pu'vam.
SKI: I gave 27 presents, some to my Chinese language students. I received
only two presents (I think you can figure out what they are).
peHruS
PS: chol choS. qaSchoH leSmeH jaj. weQ vImeQchoH. Qapla'!