tlhIngan-Hol Archive: Fri Jan 11 19:25:12 2002

Back to archive top level

To this year's listing

[Date Prev][Date Next][Thread Prev][Thread Next]

cha' mojaQmey

parmaqlIjvaD maw'pu''a'?

qIbHeHDaq pachmu' mu'tlheghvam vIlaDpu'.  <<Homlet>> lutvo' lellu'.  lughbe' 
pabDaj qechDaj je ‘e' vIHar. ghItlhbe'mo' tlhIngan Hol yejHaD vay', 
QaghHeyDaj vIlo'qang.  ‘ach peleSQo':  QaghHeymey nIb bachHa'pu' je tlhIngan 
Hol yejHaD ghotpu' ‘e' vItoblaH.

mapoj, mavang.  lI'taHghach Hev vay' ‘e' ‘oS moHaq Segh vaghDIch {-vaD}, 
qar'a'?  chay' parmaqvaD lI' maw'taHghach.  parmaq rach'a'?  parmaq DuQ'a'?  
pIlchoH'a' parmaq?  ghobe'.  parmaq ngeQ pagh.  ‘ej maw'be' parmaq.  maw' 
nuv.  qatlh maw'?  parmaqmo' maw'.  peqIm!  moHaq {-mo'} vItam.

rut moHaq {-mo'} DuH law' moHaq {-vaD} DuH puS. qen lo'Ha' tlhIngan Hol 
jabbI'ID qonwI'pu' law' ‘e' vItu'.  DaH wa' chovnatlhvam neH vI'angrup.

peHruS

Back to archive top level