tlhIngan-Hol Archive: Mon Feb 18 14:37:15 2002
[Date Prev][Date Next][Thread Prev][Thread Next]
RE: jaS jIchegh
> > > molDaq molnagh lanbe'lu'pu'.
> > > wa'vatlh loSmaH jav ben be'Hom Qupqu'vaD chenmoHlu'pu'. qatlh molDajDaq
> > > naghvam lanbe'lu'? jISovbe'. vIje' 'ej DaH juHwIjDaq molnagh tu'lu'.
> >
> >Hegh vay' Daghovbe'bogh. yInDaj DaSovbe'. tuqDaj DaSovbe'. mol Daq DaSovbe'
> >'ach molnagh DaSaH. taQ ghu'vam. vIyajlaHbe'.
>
> be'Homvam lut vISovbe'mo', vIghoj vIneH.
ghaytanHa' Daghoj. yIQub. be'Hom ghaH. ghaytan ta''a' ta'be'. poH yap
Hutlhlaw'. qatlh be'Hom ram qawnISlu'? Heghpu' SuvwI'pu' law' 'ej lIjlu'.
be'Homvam lIjlu'chugh qay'be'.
yInpu'. Heghpu'. yap. lath yIqel. San chut 'oH.
> >Hegh Hoch. ram HochHom. tugh lulIjlu' 'ej lulIjchoHlu'DI' reH lulIjtaH.
>
> bIlughbe'ba'. DaH be'Homvam wIqel. lIjlu'pu' 'ach DaH lIjHa'choHlu'.
ghobe'. pongDaj poHDaj jeH DaSov. Dal bomvam. DaH yInlI' chorgh 'uy''uy'
nuvpu'. chaH'e' yIqel. HeghwI' ram yIlIj.
DaH ghungtaH 'op yInwI'pu'. 'oj je. juH Hutlh. tar moj muDma'. nIn wInatlh. wej
boghpu'bogh nuv yIqel. HeghwI'pu' ram yIlIj.
> >qay'be'. qatlh tu'HomI'raH qawnISlu'?
>
> Dat nuH tu'lu'mo'.
vay' DaQIpmeH molnaghvam Dalo' DaneH'a'?
> >DaH jIyIn. potlh. jIHeghDI' tugh vIlIjlu' 'e' vIpIH. jISaHbe'. chaq latlh
> >wo' vIghoS 'ej wo'vam vIlIj. chaq vImev neH. jISovlaHbe'. qaSDI' muqaD ghu'
> >'ej jIvang. jInabbe'. qatlh ghu'vaD Sovbe'lu'bogh naDluH? ghaytan muqawchugh
> >pagh mulIjchugh, jISaHbe'.
>
> reH qaqawtaH, jupwI'.
'ej DaHeghDI' muqaw 'Iv? 'ej HeghDI' nuvvetlh muqaw 'Iv? nI' wo' poH. ngaj wa'
nuv poH. puSqu' nuv lutmey luqawnISlu'bogh.
charghwI'