tlhIngan-Hol Archive: Tue Dec 03 15:41:32 2002

Back to archive top level

To this year's listing



[Date Prev][Date Next][Thread Prev][Thread Next]

Re: qepHom cha'DIch



Dunqu'bej qepHom'e' qaSmoHta'bogh Quvar.

va! mujlaw' per <qepHom>. qepHom 'oHbe'law' wanI'vam le''e'. qep'a' rur. 
tInqu': jeS cha'maH wa' nuvpu'. nI'qu' je: qaStaHvIS wej jaj matay'. 'ej 
rambe'bej: loS (!) Sepmey pImvo' paw jeSwI'pu'.

ngotlhqu'bej Hoch. tlhIngan Hol lughoj luneHbej taghwI'pu'. Quvar 
paQDI'norghmo' nom DubchoH Sovchaj. jatlhmeH laHchaj DubtaH taghHa'wI'pu': 
pe'vIl tlhIngan Hol lulo'. Dat lulo' 'ej reH lulo'  (...ahem... tlhoy... )

mebpa'meyDaq jav pa'mey DIDan. Hoch pa'vaD per pIm nob Quvar: <QI'tu'>, 
<ghe''or>, <rura' pente'>, <QI'tomer>, <qIbHeS> <luSpet> je lutu'lu'.
maDo', jIH mutlhejbogh be'pu' je. <QI'tu'>Daq maQong 'ej Hoch ram 
manajtaHvIS qeylIS wIghom. {{;-)
Do'Ha' <ghe''or> DanwI'pu'. Hoch ram chaH HIv veqlargh. 'ej HIvDI' ghaH, 
HIvqa'!
pa'chajDaq ratlh luneHlaw'be' <rura' pente'> DanwI'pu'.
bellaw' <QI'tomer> DanwI'pu'. najtaHvIS chaH HIvchu'mo' romuluSnganpu', 
batlh HeghmeH 'eb lughaj.
Hopqu'mo' <qIbHeS>, DanwI'pu'Daj Dotlh vISovbe'.
<luSpet> DanwI'pu' Dotlh Sov pagh. luSpetvo' narghlaw' pagh De' net Sov.

*Saarbrucken, GermanyDaq qaS qepHomvam. Hopmo' vengDaj, vIghoSmeH wa' jaj 
vIpoQ ('ej jIcheghmeH wa' jaj vIpoQ je). 'ach poH law' Huch law' je 
vInatlhnIS 'e' vIpaybe'. batlh qepHom qaSmoHta'bej Quvar. nIvqu'mo' 'oH 
vItIvqu'. juppu'wI' vIghomqa' 'ej juppu' chu' vIqIH. tlhIngan Hol vIjatlhmeH 
'eb QaQqu' vIghaj. jeSlaHmo' jIQuch.

'ISqu'

SKI
'ISqu' describes Quvar's qepHom, a truly remarkable event that hardly merits 
to be called a qepHom since it was a three-day long international 
conference, attended by fanatics of tlhIngan Hol from as many as four 
different countries.

_________________________________________________________________
Add photos to your messages with MSN 8. Get 2 months FREE*. 
http://join.msn.com/?page=features/featuredemail



Back to archive top level