tlhIngan-Hol Archive: Sat Aug 24 17:57:23 2002
[Date Prev][Date Next][Thread Prev][Thread Next]
EK: tayqeq wej
- From: Bartholomew Barker <[email protected]>
- Subject: EK: tayqeq wej
- Date: Sat, 24 Aug 2002 18:57:35 -0400
<tayqeq wej> DaQuj 'e' DatIv'a'?
ghovbe'bogh vay'vaD vIDel: jIQujtaHvIS wa' tayqeq vIche'chu'.
javSaD ben tagh. veng wa'DIch vIcher. QeD lutlh vIQulchoH.
QI' lutlh vIchenmoH. vengmey law' vIcher. tlhetlhchoH tayqeqwIj.
tlhetlhtaHvIS tayqeqwIj, tlhetlhtaH je tayqeqmey'e' che'bogh
De'wI'. rut QeD wImech. rut maboqchuq 'ej rut maQoj. QIt
maHachchoH 'ej rInpa' Quj, ma'Itlhqu'.
QapmeH mIw DuH law' tu'lu'. yuQ naQ vIcharghchugh, jIQapchu'.
loghDuj'a' vIchenmoHchugh, jIQapchu'. ghatlhchugh nughwIj,
jIQapchu'. jIgharchu'chugh 'ej yuQ che'wI' vImoj vaj jIQapchu'.
Dun Qujvam. wa'maH wen Qujvam vIje' 'ej vItIvqu'taHqu'!
Do'Ha' DaH wa' Human QujwI' neH chaw'lu'. loS ben <tayqeq
cha'> vIQujchoH 'ej jIQujtaHvIS Human QujwI' law' chaw'lu'.
<tayqeq cha'> vIQujtaHvIS, Humanpu' vIghatlh 'e' vItIv.
rut QIp tayqeqmey'e' che'bogh De'wI'. Dup Daj luHutlh.
Human val vIjeyDI', jIyon.
'ach tugh <tayqeq wej> Dublu' 'ej Human QujwI' law' chaw'lu'.
DaH Dun Qujvam. tugh le'choH.