tlhIngan-Hol Archive: Fri Oct 19 14:11:54 2001
[Date Prev][Date Next][Thread Prev][Thread Next]
Re: qoH ghaH voraQ'e'
- From: SuSvaj <[email protected]>
- Subject: Re: qoH ghaH voraQ'e'
- Date: Fri, 19 Oct 2001 14:35:06 -0500
At 04:53 PM 10/18/2001 -0500, you wrote:
>
>SuSvaj:
>: qatlh? tlhIngan veSDuj buQlaHbe' 'entepray'.
>
>net Sov 'ach chaq chamvam ghaj tlhIngan wo' 'e' luSov tera'nganpu' neHbe'
>voraQ. nuH chu' Daghajchugh reH jaghvaD bIja''a'?
ghobe'. vIja'be', vIHoHbej. lutmey ja'be'bej Heghpu'bogh loDpu'! ;-)
So'wI' cham ghajchugh wo' 'ej 'e' luSov tera'nganpu' vIneHbe'chugh,
'entepray' vIQaw', jIHaghqu', 'ej Qo'noS vIchegh.
>
>>2. tera' vatlh DIS poH cha'maH cha' romuluSnganpu'vo' So'meH cham
>> Suqpu' tlhIngan wo'
>
>: vaj qatlh qaStaHvIS -ST:TOS- not So'taHvIS tlhIngan Duj wIlegh.
>
>qaStaHvIS ST:TOS tlhIngan Duj puSqu' DIlegh. Dujmeyvam Dangu'laH'a'?
motlh qaStaHvIS ST:TOS jabbI'IDmey, tlhIngan Duj pongmey jatlhlu'be'.
"Groth" 'oH qorotlh Duj'e'. 'ach rut 'entepray' Suv tlhIngan veSDujmey 'ej
not So' bIH. qaStaHvIS "Elan of Troyus" 'entepray' tlha' tlhIngan Duj.
ngu'chu'laHbe'mo' 'entepray', noch chuq veHDaq ratlh Dujvam. So'wI'
Hutlhbe'chugh tlhIngan Duj vaj qatlh Dupvam lo' tlhIngan HoD?
>wej qech vIchup:
>
>1. So'wI' lughajchugh tlhIngan Dujmeyvam 'e' wISovbe'; So'wI' lughajchugh,
>lulo'pu'be'.
>
>2. tera' DIS poH cha'maH wej chaq Hoch tlhIngan may'DujDujDaq So'wI'
jomlu'be'
>'ach ngongmeH DujmeyDaq neH jomlu'.
>
>3. chaq tlhIngan wo'Daq So'meH cham tu'lu' 'ach wej Hachpu'. (qaStaHvIS
javmaH
>(?) DIS pIvghor cham lupupmoHlI' Humanpu' net Sov.)
chaq bIlugh, 'ach romoluSnganpu'vo' So'wI' cham Suq tlhIngan wo' net Sov.
qaStaHvIS vatlh DIS poH cha'maH cha' romoluSnganpu' qIHpu''a' wo'?
SuSvaj
>
>
>
>--
>Voragh
>Ca'Non Master of the Klingons
>