tlhIngan-Hol Archive: Thu Oct 18 17:02:13 2001
[Date Prev][Date Next][Thread Prev][Thread Next]
Re: qoH ghaH voraQ'e'
Voragh:
>tojbogh pa' cham tlhapmo' voraQ HoD jIyay' je. nuq 'oH meqDaj'e'?
>
>1. tlheDpu'DI' 'entepray' Xyrillngan Dujvo' So'meH cham je poQ 'e'
> Hech voraQ
SuSvaj:
: qatlh? tlhIngan veSDuj buQlaHbe' 'entepray'.
net Sov 'ach chaq chamvam ghaj tlhIngan wo' 'e' luSov tera'nganpu' neHbe'
voraQ. nuH chu' Daghajchugh reH jaghvaD bIja''a'?
>2. tera' vatlh DIS poH cha'maH cha' romuluSnganpu'vo' So'meH cham
> Suqpu' tlhIngan wo'
: vaj qatlh qaStaHvIS -ST:TOS- not So'taHvIS tlhIngan Duj wIlegh.
qaStaHvIS ST:TOS tlhIngan Duj puSqu' DIlegh. Dujmeyvam Dangu'laH'a'?
romuluSngan bIH D7 may'Dujmey'e' wa'DIch DIleghbogh 'e' Daqaw (TOS "The
Enterprise Incident").
wej qech vIchup:
1. So'wI' lughajchugh tlhIngan Dujmeyvam 'e' wISovbe'; So'wI' lughajchugh,
lulo'pu'be'.
2. tera' DIS poH cha'maH wej chaq Hoch tlhIngan may'DujDujDaq So'wI' jomlu'be'
'ach ngongmeH DujmeyDaq neH jomlu'.
3. chaq tlhIngan wo'Daq So'meH cham tu'lu' 'ach wej Hachpu'. (qaStaHvIS javmaH
(?) DIS pIvghor cham lupupmoHlI' Humanpu' net Sov.)
--
Voragh
Ca'Non Master of the Klingons