tlhIngan-Hol Archive: Fri Nov 02 22:14:31 2001
[Date Prev][Date Next][Thread Prev][Thread Next]
Re: norgh DungDaq Suppu' *'entepray'* much
ja' Qov:
>nuqjalth? norgh DungDaq Sup vay'?
SIbI' vIghov jIH. QInlIj vIlaDpa' meqlIj vIloy, 'ej jIlugh.
>much bom vIparHa'.
vImuSbe' 'ach muDuQbe'. qetlh QoQ. lutvaD lughchu'be'law' mu'mey.
>taghtaHvIS much qunHom vItIv. *Yuri Gagarin* Hutlhbej,
Dach ghaH 'e' vItu' je jIH.
>'ach chaq *Gagarin* lughovlaHbe' *America*ngan.
va, ghaytan bIlugh. qabDaj vISovbe', 'ach HaSta noy vISov.
>Do'Ha', nom jol lulajchoH. SIbI' luqel, pIj lulo'. lutlh chamvam,
>qar'a'? nuv jol net tuch, qar'a'?
qarbe'. "...approved for bio-transport..." ja'lu'. DeghwI' luchpIn je
luqellu'. :)
>SaS T'Pal.
HIja'! wej ghaH vIyaj. naQchoHpa' lutghot, jIloSqangtaH.
>chaq pujmo' T'Pel DawI' vulqangan qa' muchlaHbe'.
vIHarbe'. vIqIchpa' jImIm. Data yIqel -- taghDI' TNG, Hujbej ghaH.
rInDI' DIS wa', Dubpu'.
>'ach vulqanganpu' vIHarlaHbe' jay'!
Hu'tegh. qarDaSngan rur. nepchu'. vIt lupeghchugh neH, chaq vIpIchbe'.
'ach vItna' lutenmo'...Hu'tegh.
>Segh vuvqangbe'chugh, qoj
>Qulqangbe'chugh chenmoHwI'pu', vaj lulo'be'nIS.
pImlaw' Hov leng 'u' wISovbogh, 'u'qoqvam je.
>lut DoghvaD Segh potlh lughong chenmoHwI'pu'.
>
>Qoch'a' vay'? yIngach.
qatlhochlaHbe'. wa' DoS wIqIp.
-- ghunchu'wI'