tlhIngan-Hol Archive: Thu May 24 08:21:36 2001
[Date Prev][Date Next][Thread Prev][Thread Next]
Re: vIttlhegh chu' vImugh
- From: Will Martin <[email protected]>
- Subject: Re: vIttlhegh chu' vImugh
- Date: Thu, 24 May 2001 11:21:45 -0400
> From: Alan Anderson <[email protected]>
> Date: Thu, 24 May 2001 00:13:37 -0500
> In-Reply-To: <[email protected]>
>
> -------------------------------------------------------------------------
>
> ja' charghwI':
>> nIyonHa'pu'bogh Hoch parmaqmeylIj DaqelDI' raptaH wa' ngoD neH: SoH.
>
> qechvam vIyajlaw' 'ach ghu' vIghovbe'.
> SoH qayajbe'. tlhoy pImba' yInmeymaj.
> Hoch parmaqmeywIj vIqelDI', mutebchu' wa' parmaq'a'.
> wa' chovnatlh vIghajmo', rapchu' Hoch'e'.
>
> -- ghunchu'wI' 'utlh
'e' vIpIH.
wa'maH chorghben jIboghpu'DI' wa' bong vItIvchu'. DuSaQDaq jIHaDlI'.
jIrInDI' vISaw 'e' vIHech 'ach wa'maH Hutben jIboghDI' Qel mojlI'bogh
loD'e' wIv be'vam. bangDaj moj. mulon.
latlh be' vImuv, 'ach DuHHa'choH parmaqvetlh. cha'maHben jIboghpu'DI' be'
wejDIch vImuvqangchoH 'ach bommeH ghom muv be'vam 'ej mulon. DuSaQ vIrInDI'
bangwI'pu' mojHa'pu' vagh be'. jImoghchu'.
rut qaStaHvIS poH nI' jImob. rut qaStaHvIS ngaj poH bang vIghaj. qaStaHvIS
wa'maH wa' DIS wa' bang vIghaj, 'ach qabqu' ghu'. latlhpu' law' ngaghtaH
be'vam. qoH jIHba'pu'.
qorDu'lIj vIqelDI' SuDchoH veqlargh mInDu'. qanaD. Qu' vIta'laHbe'bogh
Data'taH. ghaytan SoH nIv law' jIH nIv puS, 'ach ghu'vam vIchoHlaHbe'law'.
ghu'wIj vIlajnISlaw' neH.
vaj jISIQtaH. latlh Qu'mey vIta'nIS. Qu'Hommey vIta'laHbogh potlh law'
Qu''a' vIta'laHbe'bogh potlh puS.
charghwI' 'utlh