tlhIngan-Hol Archive: Wed May 23 14:08:53 2001
[Date Prev][Date Next][Thread Prev][Thread Next]
vIttlhegh chu' vImugh
- From: Will Martin <[email protected]>
- Subject: vIttlhegh chu' vImugh
- Date: Wed, 23 May 2001 17:08:33 -0400
munuQbogh vIttlhegh vImugh:
nIyonHa'pu'bogh Hoch parmaqmeylIj DaqelDI' raptaH wa' ngoD neH: SoH.
qatlh vIttlheghvam vIqel? wa'Hu', wa'maH vaghben be' vIqIHbogh vIghom.
vIqIHDI' tlhoS bangwI' moj, 'ach nom choH tIqDaj 'ej mulon. qaSpa wa'Hu'
vIghomqa'be'.
Sochben nay be'vam. DaH be'vam 'IH law' wa'maH vaghben be'vam 'IH puS. loQ
yInwIj vIpay.
Sawta' *Hitler*. Sawta' *Marquis de Sade*. Sawta' *Ted Bundy*. Sawta'
qoHpu' law'. Sawta' ghongwI'pu' law'.
not jISaw.
ngoDmeyvam luqellu'DI' 'ej loDnal wIvlu'DI' loDpu'vam qaqlaw' law' jIH
qaqlaw' puS.
qechvam vItIvbe'bej. jIberghlI'. jIberghqu'lI'. chaq wa'Hu' DotlhwIj vIDub
'ach DaHjaj, ghaytan jIberghtaH.
charghwI' 'utlh