tlhIngan-Hol Archive: Wed May 23 10:32:51 2001

Back to archive top level

To this year's listing



[Date Prev][Date Next][Thread Prev][Thread Next]

RE: Hoghmey vItoghlI' -- jey Qatlh vInablI'



ghunchu'wI':

> SuH wa'maH wa' Hogh pIq tagh qep'a' chorghDIch.

> jey vInabnISqu'.  ghorgh vengwIjvo' tlheD qorDu'wIj?  nuqDaq ghoS? 
> nuqeSpu' jupmey law'.  nuja' Israel SepDaq yIjaHQo'.  Qochbe' Israel
> ngan Sovbogh be'nalwI'.  vaj nabvetlh wIqIl 'ej Europe neH wIghoSrup. 
> 'ach ghorgh majaH?  chay' qep'a' vengDaq mapaw?  wej rIn nabmeymaj.

> macheghpu'meH jaj wISovchu'.  jar chorgh jaj wa'maH vagh, DuSaQ patlh 
> Soch tagh puqloDwI'.  paS ghaH wIneHbe'bej.

taghDI' DuSaQ Qu' paSchugh HaDwI', rut qay'be'. *Arizona* DuSaQ'a'Daq
jIHaDtaHvIS, roD *Thursday* tagh DuSaQ Qu'. 'ach *Martin Luther King* qoS
lopchoHlu'mo', wa' latlh jaj poQlu'. vaj *Wednesday* tagh DuSaQ Qu'.
*Wednesday* ram jIpawDI', muja' pa' qochwI' <DuSaQ jaj wa'DIch DaSIQbe',
qar'a'?>. qID ghaH 'e' vIQub, 'ach tugh vIt 'e' vItu'. Do'Ha'. 'ach DuSaQ
poHvetlh *A* neH vIchav. vaj DuSaQ jaj wa'DIch Dach HaDwI' reH 'e' vIchup!

pagh


Back to archive top level