tlhIngan-Hol Archive: Fri Jan 05 11:42:11 2001
[Date Prev][Date Next][Thread Prev][Thread Next]
Hol ghu' vItIv
DuSaQ'a'Daq *russia*ngan Hol vIHaD. DuSaQ'a'vo' vImejta'DI', *russia*
paqHommey vImugh
'ej *russia*nganpu'vaD *English* Hol vIghojmoH. cha'maH vaghben qaS
wanI'meyvam. loQ
*russia*ngan Hol vIlaDlaHtaH, 'ach qaStaHvIS poHvam, pIjHa' *russia*ngan Hol
jatlhbogh
ghotpu''e' vIqIH.
wa'maH wa'Hu' qaSba' *Christmas* lop. DuSaQDaq HaDbe' puqpu'wI'. rInta'DI'
lop 'ej
DuSaQDaq HaDqa'DI' chaH, ghu' Daj wItu'. DuSaQ patlh wa'DIchDaq HaD
puqbe'wI'. patlh
nIbDaq HaD latlh be'Hom, 'ej veng yoSmaj Dab be'Homvam 'e' wItu'. juHmajDaq
Sumqu'
juHDaj.
latlh ngoD wItu'. vaghben *Russia*vo' *America*Daq lughoS be'Hom qorDu'.
*English* Hol
jatlhlaH be'Hom SoS (wej be'Hom vav vIqIH), 'ach *russia*ngan Hol neH
jatlhlaH be'Hom
SoSnI' .
Hoch jaj DuSaQ lupwI' verghDaq maghom jIH SoSnI' je, 'ej maja'chuq. pIj
nItebHa' reH luneH
be'Hommeyma', 'ej SuchmeH nabmey vImughnIS. *russia*ngan Hol jatlhlaHbe'
be'nalwI', vaj
Hoch nabmey vImughnIS (chovnatlhmey: juHDaj Quv, ghogh HablI'Daj rI'Se' je
HIghojmoH,
ghorgh juHDajDaq puqnI'Daj vItatlhnIS?).
loQ tlhaQ ghu'vam. *russia*ngan Hol vIjatlhtaHvIS, moDbe'qu' QIchwIj Do, 'ej
mu'mey law'
vIqawlaHbe'. loQ *russia*ngan Hol vIyajba', 'ach QIch Do motlh lo'taH
SoSnI'. nomqu' jatlh
ghaH, 'ej Do nupbe'taH. *bozhe moy!* wa'maH mu'mey jatlhtaHDI' ghaH, chaq
cha' mu'
vIyajlaH. Qatlh ja'chuqmeH Qu'! 'ach ghu'vam vItIvqu'taH. Qopbe'law' yabwIj
qan!
-- ter'eS
http://www.geocities.com/teresh_2000
http://www.geocities.com/weseb_2000