tlhIngan-Hol Archive: Mon Sep 25 13:24:30 2000
[Date Prev][Date Next][Thread Prev][Thread Next]
re: qaStaHvIS wej jaj jImI'taH
- From: "William H. Martin" <[email protected]>
- Subject: re: qaStaHvIS wej jaj jImI'taH
- Date: Mon, 25 Sep 2000 16:23:39 -0400 (Eastern Daylight Time)
- Priority: NORMAL
ja' pong ram mI'wI':
> >pa' ghom wejvatlh mI'wI'pu' Dun...
> >tujmeH pa' vISuch. Sutmeymaj DIteq 'ej maba'
> >wIvutlu'law'.
> pa'vam tujDaq ba' nuv 'ar? wejvatlh ma'laHchugh pa',
> tInbej. :-)
wejpuH. cha' pa' pIm vIDelba'. 'ach mu'tlheghwIj laDlu'DI'
yajHa'laHmo' vay' tlhaQ 'e' vIchID.
> jIqIDba'taH. wa' ngoDHom vISov vIneH: yIQ'a' tuj?
> QaD'a'?
roD QaD 'ach rut nagh tujqu'Daq bIQ lIchlu' 'ej loQ yIQchoH
muD.
> >QIvmo' mInDu'wIj 'ej Hurghmo' vIleghlaHbe'.
> QaD 'e' vIloy, Hurghmo'. SeS Hal leghbe'lu'chugh, QoblaH
> ghu'.
Qobbej ghu'vam.
> >jIQuchqu'. jI'oy'qu'. tlhoS jIvIHlaHbe'. ramvam bIQ
> >tujqu'Daq jIratlh. tujHa'choHDI' jIrIn.
> vaj gheghchoHbej nItlhDu'lIj DIr. HaHlI'ghach DaSIQjaj.
vISIQchu'ta'. tlhoS pub muHaHbogh bIQ. DoqchoH DIrwIj.
bIrchoHDI' bIQ, tlhIngan Quchna' rur nItlhDu'wIj DIr.
> -- ghunchu'wI' 'utlh
ram pongwIj.