tlhIngan-Hol Archive: Mon Oct 02 15:00:23 2000
[Date Prev][Date Next][Thread Prev][Thread Next]
Re: DujwIj chu'
- From: "William H. Martin" <[email protected]>
- Subject: Re: DujwIj chu'
- Date: Mon, 2 Oct 2000 18:00:11 -0400 (Eastern Daylight Time)
- Priority: NORMAL
> ja' SarrIS:
> >...cha'Hu' DujwIj chu' vIje'. *Honda Insight* 'oH.
> Dujvam Segh vISov. Say'. tam. chaq HoSghajbe', 'ach lI'bej.
Qu'meywIjvaD yap HoSDaj.
> >...Qap Dujvam rurbogh Dujmey vIneHchu'.
> >puqpu'vaD muD
> >nIn je polmeH Duj Seghvam maSnIS HochHom nuvpu'.
> nIn pollu' 'e' vISaHbe'. loj nIn ngo' net buQDI', qaqchoH nIn chu'.
bIlughchugh 'ej nIn wIpolta'chugh, qay'be' 'ach bIQaghchugh
'ej nIn wInatlhpu'chugh, qay'chu'. bIrchoH Hoch juH 'ej
qatlhchoH Soj wISuqmeH Qu'. bISuDba', 'ach bIlujchugh DIl
puqpu'lI'.
> cham vIvoq. 'ul QoQ lo'bogh Duj 'ogh cham'e' net lajnISba'...
vogh 'ul SuqnISlu'. Duj vo'meH yapbe' pemHov. wa'logh meQ
nIn vaj reH lojtaH. nIn wIlo'bogh wInupchugh vaj qa'meH nIn
wISammeH poH wIghur. 'ej muD yIqel.
> >vuDwIj vI'angmeH HuchwIj vIlo'.
> DaHjaj wagh Dujmeyvam, 'ach HuchlIj'e' neH Dalo'ta'be'.
> DujlIj lIngmeH ta' wagh law' je'meH ta' wagh puS!
qatlh qay'? waghbe'.
> "Insight" je'lu'DI', Huch chIl "Honda" 'e' chID.
> DujlIj Daje'laHmeH, ghaqpu' "Honda" Duj luje'bogh latlhpu'.
vaj Duj Seghvam voq *Honda*. *Honda* vIvoq. qay'be'.
> qay'be' -- tugh "Insight" cham Dublu' 'ej waghHa'choH. QaQ Duj.
jIQochbe'. mangong.
> >per poQ Dujvam. <<QaH 'ul>> vIqel.
> rurbogh Duj vISuqchugh, 'oHvaD <boq Duj> vIpong jIH. meqwIj Dayaj'a'?
jIyajchu'. qechvam vIparHa'.
> >'ej pong chu' vIwuq. DaH SarrIS mupongnIS tlhInganpu'.
> >*Galaxy Quest* DaSov'a'? pongvam Dangu'laH'a'?
> tojbogh ghew tIn SoHbe', 'ach rut bIqejlaHbej.
jItojnISbe'. 'IH ghew'a'vam 'e' vIHar neH. *attitude*Daj
vItIv.
> -- ghunchu'wI' 'utlh
SarrIS 'utlh