tlhIngan-Hol Archive: Sun Oct 01 15:20:39 2000
[Date Prev][Date Next][Thread Prev][Thread Next]
Re: DujwIj chu'
ja' SarrIS:
>...cha'Hu' DujwIj chu' vIje'. *Honda Insight* 'oH.
Dujvam Segh vISov. Say'. tam. chaq HoSghajbe', 'ach lI'bej.
>...Qap Dujvam rurbogh Dujmey vIneHchu'.
>puqpu'vaD muD
>nIn je polmeH Duj Seghvam maSnIS HochHom nuvpu'.
nIn pollu' 'e' vISaHbe'. loj nIn ngo' net buQDI', qaqchoH nIn chu'.
cham vIvoq. 'ul QoQ lo'bogh Duj 'ogh cham'e' net lajnISba'...
>vuDwIj vI'angmeH HuchwIj vIlo'.
DaHjaj wagh Dujmeyvam, 'ach HuchlIj'e' neH Dalo'ta'be'.
DujlIj lIngmeH ta' wagh law' je'meH ta' wagh puS!
"Insight" je'lu'DI', Huch chIl "Honda" 'e' chID.
DujlIj Daje'laHmeH, ghaqpu' "Honda" Duj luje'bogh latlhpu'.
qay'be' -- tugh "Insight" cham Dublu' 'ej waghHa'choH. QaQ Duj.
>per poQ Dujvam. <<QaH 'ul>> vIqel.
rurbogh Duj vISuqchugh, 'oHvaD <boq Duj> vIpong jIH. meqwIj Dayaj'a'?
>'ej pong chu' vIwuq. DaH SarrIS mupongnIS tlhInganpu'.
>
>*Galaxy Quest* DaSov'a'? pongvam Dangu'laH'a'?
tojbogh ghew tIn SoHbe', 'ach rut bIqejlaHbej.
-- ghunchu'wI' 'utlh