tlhIngan-Hol Archive: Mon Oct 02 18:43:28 2000
[Date Prev][Date Next][Thread Prev][Thread Next]
nIn natlhlI' (was Re: DujwIj chu')
jIja'pu':
>nIn pollu' 'e' vISaHbe'. loj nIn ngo' net buQDI', qaqchoH nIn chu'.
ja' SarrIS:
>bIlughchugh 'ej nIn wIpolta'chugh, qay'be' 'ach bIQaghchugh
>'ej nIn wInatlhpu'chugh, qay'chu'. bIrchoH Hoch juH 'ej
>qatlhchoH Soj wISuqmeH Qu'. bISuDba', 'ach bIlujchugh DIl
>puqpu'lI'.
choH qo'. DaHjaj nIn moj wa'Hu' tar. wa'leS nIn moj DaHjaj veQ. chay'
vImujlaH? Hoch "petroleum" wInatlhta'chugh, ratlh "alcohol". "petroleum"
jo vuSlaw' yuQ qun, 'ach taHchugh tI reH "alcohol" "methane" joq wIlInglaH.
cha'SaD ben qaq "wood". cha'vatlh ben qaq "coal". cha'maH ben qaq
"petroleum". "plutonium" Hajbe'chugh yajbe'wI'pu', ghaytan qaqchoH 'oH'e'.
(jISov, jISov...SuD woj choHwI' lo'wI' 'e' Daqap.)
>vogh 'ul SuqnISlu'. Duj vo'meH yapbe' pemHov. wa'logh meQ
>nIn vaj reH lojtaH. nIn wIlo'bogh wInupchugh vaj qa'meH nIn
>wISammeH poH wIghur. 'ej muD yIqel.
muD vIqelbej. motlh nIn chu' Say' law' nIn ngo' Say' puS. lamqu' "coal"
qul qar'a'? Say'qu' "alcohol" qul qar'a'? muD QIHbe' woj choHwI'. DaHjaj
qay'taH woj veQ, 'ach Sengvetlhmo' woj'e' yIpIchQo'. woQ'e' yIpIch.
Qobchu' woj veQ 'e' luHar yajbe'bogh HajwI'pu'. SengHa'moH net nIDqu' 'e'
lutuch jay'.
'ach nIponlaHbe' qechmeywIj. ngoDHey DaHarbogh vISIghlaHbe'. ngoDHeywIj
vImuchlaH neH. qaSbej choH'a' 'e' 'ang qun 'e' vIlegh jIH. DaHjaj ghu'
wIchoqnIS 'e' Daleghlaw' SoH. vaj DoSmey DIqIp. qay'be'; maQochtaHvIS wa'
qo'Daq mataHlaH.
-- ghunchu'wI' 'utlh