tlhIngan-Hol Archive: Tue Nov 14 11:09:59 2000

Back to archive top level

To this year's listing

• Index by Date
• Index by Thread
• Index by Author

Re: Qatlh DotlhwIj

• From: "William H. Martin" <[email protected]>
• Subject: Re: Qatlh DotlhwIj
• Date: Tue, 14 Nov 2000 14:08:13 -0500 (Eastern Standard Time)
• Priority: NORMAL

> jabbI'IDlIj vIlaDDI' jISaQ.  SoSlI' SoHvaD je jIQoS.  
> maw' je SoSnI'wI'.  cha'  tey'wI' Qup SevmeH tlhegh 
> lo'ta'.  tey'wI' ja' SoSnI'wI' <SaQannIS!  Sunarghchugh, 
> lIHoHbej vavnI'ra'!>  paw Hung loDpu' 'ej yaH SoSnI'wI'.  
> SoSnI'wI' vISuchbe'.  jaghDaj jIH 'e' Har.
> <jaghDaj jIH 'e' luja' *TV*DajDaq ghotpu'.>

Qatlh DotlhlIj je. jIQoS. SoSwI' Dotlh Dublu'law'. DaH 
QamlaH 'ej pumbe'. DaH ja'DI' SoSwI' maw'be'law'. 
jatlh QelDaj <<porghDajvaD motlhchoH HerghDaj.>>

qorDu'wIj ngoD cha'DIch vIghojpu'. ropchoHpu' 'IrneHwI' 
yab. not DotlhlIj Dublu'. reH 'arghtaH. DaH vay' lIjtaH. 
vay' chIltaH. ghaytan Heghpa' lIj'egh 'ej chIl'egh. 
tlhetlhpu'DI' ropvam, yabDaj DISchu'.

Hut ben jIboghpu'DI' Hegh vavwI'. qaStaHvIS wej DIS qa'meH 
mojlI' 'IrneHvam. wa'maH cha' ben jIboghpu'DI' nayqa' 
SoSwI' 'ej HopchoH 'IrnaHvam.

qaStaHvIS wej DISvam jIHvaD 'IrneHvam QaQ law' Hoch QaQ 
puS. bIQDep DIjon. mIpbe'bej 'IrneHvam 'ach jIHvaD *golf 
club*mey Suq 'ej *golf* wIQuj. nIn yaHDaq vum 'ej pa' 
vISuch. jIghojmeH Duj 'ay'mey vIlaghmeH 'ej vIlaghHa'meH 
vay' munob. reH tamtaH. not QeHchoH.

> lalDanlIj 'oHbe' lalDanwIj 'e' vISov 'ach QunwI'vaD 
> jIjatlhDI' SoSlI' SoH je Saqaw.

choquvmoHneS. Qun vIHutlh. jIjatlhchugh muQoy 'Iv? jISIv 
neH.

> QInteS

SarrIS

• Follow-Ups:
  • Re: Qatlh DotlhwIj
    • From: Alan Anderson <[email protected]>

• Prev by Date: Re: Grammar Highlight Each Day (bo-)
• Next by Date: Re: Grammar Highlight Each Day: purpose clause
• Prev by thread: Re: Qatlh DotlhwIj
• Next by thread: Re: Qatlh DotlhwIj
• Index(es):
  • Date
  • Thread
  • Author

Back to archive top level