tlhIngan-Hol Archive: Tue Nov 14 08:27:36 2000

Back to archive top level

To this year's listing

• Index by Date
• Index by Thread
• Index by Author

Re: Qatlh DotlhwIj

• From: Pam Felton <[email protected]>
• Subject: Re: Qatlh DotlhwIj
• Date: Tue, 14 Nov 2000 11:27:16 -0500
• References: <[email protected]>

jabbI'IDlIj vIlaDDI' jISaQ.  SoSlI' SoHvaD je jIQoS.  maw' je
SoSnI'wI'.  cha'  tey'wI' Qup SevmeH tlhegh lo'ta'.  tey'wI' ja'
SoSnI'wI' <SaQannIS!  Sunarghchugh, lIHoHbej vavnI'ra'!>  paw Hung
loDpu' 'ej yaH SoSnI'wI'.  SoSnI'wI' vISuchbe'.  jaghDaj jIH 'e' Har.
<jaghDaj jIH 'e' luja' *TV*DajDaq ghotpu'.>

lalDanlIj 'oHbe' lalDanwIj 'e' vISov 'ach QunwI'vaD jIjatlhDI' SoSlI'
SoH je Saqaw.

QInteS

ja' SarrIS:

> loSben maw'choH SoSwI'. qab HerghDaj. QoghIjDajvaD tar moj
> Herghvam. qaStaHvIS jav jar maw'lI'. ghIq DotlhDaj Dublu'.
>
> loSHu' maw'qa' SoSwI'. HerghDaj choHpu' QelqoqDaj 'ej
> nIQvaD pawbe' SoSwI'. pa'DajDaq SoSwI' Sam rachwI'. ravDaq
> Qot 'ej nogh. rIQmo' tlher nachDaj 'ej rIQmo' HurghchoH 'op
> DIrDaj. jatlhqa' <<DIng pa'! DIng pa'! jIQamlaHbe'!>>
>
> jIlI'be'.
>
> pIvDI' SoSwI' vIpar. SumDI' mubItmoHtaH. vISuch not 'e'
> vItIv. rut vISuchqang 'ach HoptaH 'e' vImaS. 'ach bechDI'
> jIbech je. vaj jIbechlI'.
>
> SarrIS

• References:
  • Qatlh DotlhwIj
    • From: "William H. Martin" <[email protected]>

• Prev by Date: RE: Grammar Highlight Each Day (bo-)
• Next by Date: Re: Grammar Highlight Each Day (bo-)
• Prev by thread: Qatlh DotlhwIj
• Next by thread: Re: Qatlh DotlhwIj
• Index(es):
  • Date
  • Thread
  • Author

Back to archive top level