tlhIngan-Hol Archive: Wed Sep 01 15:47:59 1999
[Date Prev][Date Next][Thread Prev][Thread Next]
Re: QongmeH lutmaj
- From: "David Trimboli" <[email protected]>
- Subject: Re: QongmeH lutmaj
- Date: Wed, 1 Sep 1999 02:01:26 -0400
- Organization: Microsoft Corporation
- References: <l03020901b3f22b7d0c5a@[206.150.220.84]>
> jatlh SuStel:
> >mebpa'mey DISammeH Canada wI'elnIS!! maQongmeH veH'a' wIjuSnIS!!
> >ghuy'cha'! 'a tlhaQqu' ghu'maj. veHDaq numev 'avwI'; nughel, jatlh
> >qatlh Canada bo'el boneH? majang, majatlh maQong neH wIneH! ma'el
> >Do' 'e' chaw' 'avwI'.
jatlh ghunchu'wI':
> toH, Suchegh net chaw''a'?
ghobe'. machegh 'e' chaw'Qo'mo' 'avwI', Montreal wIDabchoH. yaH chu'
DInejlI'. not qorDu'maj DIleghqa'. Do'Ha'.
> July Canada wISuch qorDu'wIj juppu'ma' je. ramjep New York wIcheghlI'.
> juppu' juH wIghoSmeH Canada HeH wIpawDI', numevmoH HeH 'avwI'.
> Israel-Daq boghpu' wa' jup, 'ej QIchDaj le'mo' nuyu'choHchu' 'avwI'.
> ghItlhmey HutlhtaHmo' jup, US rewbe' ghaH 'e' toblaHbe'.
ghay'cha'! nuyu'DI' 'avwI', jatlh neH yaS boDabbogh yIngu'! jang Lee;
jatlh United States. (American jatlhQo' Lee, Canada-nganpu' tIch neHbe'mo'.
jIQochbe'.) jIH mughel 'avwI'; jatlh SoH je? jIjang; HIja'. jatlh 'avwI'
SughoSqa'. pItlh! wa' mu' neH vIjatlh, 'ej mungu'bogh nav vI'ang 'e'
tlhobbe' 'avwI'. US rewbe' jIH 'e' vItobnISbe'. jIH Do' law' juplI' Do'
puS.
> DaH reH rewbe' muvtay mI' qengtaH ghaH.
quSDaq bIba'.
SuStel
Stardate 99666.7