tlhIngan-Hol Archive: Sat Nov 27 07:54:32 1999
[Date Prev][Date Next][Thread Prev][Thread Next]
Re: Eternal life (and a postscript on not-so-eternal life)
- From: Alan Anderson <[email protected]>
- Subject: Re: Eternal life (and a postscript on not-so-eternal life)
- Date: Sat, 27 Nov 1999 10:57:40 -0500
- In-Reply-To: <[email protected]>
jIjangchu'meH yapbe' poHwIj 'ach vay' vIjatlhnIS.
ja' Qov:
>
>HIja', jupwI': jIjubbe' 'a jIyIntaH. QIt puvwI' ghojmoHwI' jImojlI'. nIS
>muD Dotlh, nIS ghIQtaHbogh ghojmoHwI'pu', nIS mulbogh Dujmey,
>nIS qun jay'. 'ach not jIjegh. muHoSghajmoH muHoHbe'bogh
>wanI'mey.
maj. vay' DabuSDI', DabuSchu'.
>wa' wanI' Do'Ha' vIja' vIneH. naDev vaghHu' paw'mo' cha' puvbogh
>Dujmey Hegh loS nuv: ghojwI' qup, ghojmoHwI' qup, HoD Qan,
>raQpo' Qan je. puvwI' yejHaDwIjvo' puv ghojmoHwI' ghojwI' je.
>yejHaDDaq loStaH ghojwI' vav, 'ach not chegh puqloDDaj. not
>cheghqa' DaH 'e' Sov.
bItaHmo' San vItlho'. taHbe'mo' latlh San vIvuv.
>[...]
>mutlhejtaHvIS ghojwI'na' 'ej choS mIw vIDelchoH, ghaytan pavchoH
>ghoghwIj.
Sovvam'e' Daghajbogh chaq DaghojmoHlaHchu'be'.
ghojlu'meH rut wanI''a' SIQnISlu'.
-- ghunchu'wI' 'utlh