tlhIngan-Hol Archive: Thu Nov 11 13:33:13 1999

Back to archive top level

To this year's listing

• Index by Date
• Index by Thread
• Index by Author

Re: "entropy" (was Re: jubluH'a'?)

• From: Alan Anderson <[email protected]>
• Subject: Re: "entropy" (was Re: jubluH'a'?)
• Date: Thu, 11 Nov 99 16:18:30 EST

toH.  QeD maqelqa'.  yap'a' mu'tay'?  Ha', maSovchoH.

tujpat chut cha'DIch vIQIj 'e' vInID.
pat 'elchugh pagh 'ej pagh tlhuDchugh pat, SoQ patvetlh net buv.
pat SoQ neH Del tujpat chut cha'DIch.
ja' chut:  not nup pat SoQ "entropy".

cha' qech DellaH "entropy".
wa':  vummeH lI'be'bogh tuj HoS per.
cha':  Sublaw'pu'ghach per.
("order" "disorder" joq Delbogh tlhIngan Hol mu' vISampu'be'.)
qech wa' buS tujpat chut cha'DIch.

chut bIvbe' yIn.  SoQbe' yIn pat.
nIn natlh yInwI' 'ej veQ lIng.
SoQbe' je yuQ pat.  Hov Summo' HuS Hev.

chut bIvbe' QIb.  chentaHvIS HoS lI' woD.
chenlI' qut 'e' rur.  QatlhchoHlaw' ('ej 'IHchoHlaw').
'ach toj ghu'.  ngaDchoHmeH, HoS polHa'nIS.

patvaD HoS chellu'be'chugh, SabHa'laHbe' pat.
HoS chu' Hevbe'chugh 'u', reH SabtaH 'u' naQ.

'u' 'ay' neH DaqelDI', SabHa'laHbej 'ay'vetlh.
'ach latlh 'ay'vo' "order" nIQnIS.
Hochlogh 'op "order" chIllu'.

-- ghunchu'wI' 'utlh

• Follow-Ups:
  • Re: "entropy" (was Re: jubluH'a'?)
    • From: Daniel Morse <[email protected]>

• Prev by Date: Re: tlhIngan ghaHba' wojwotlh'e'!
• Next by Date: Re: Klingon WOTD: bagh (v)
• Prev by thread: Re: Klingon WOTD: bagh (v)
• Next by thread: Re: "entropy" (was Re: jubluH'a'?)
• Index(es):
  • Date
  • Thread
  • Author

Back to archive top level