tlhIngan-Hol Archive: Wed Nov 24 23:32:17 1999

Back to archive top level

To this year's listing



[Date Prev][Date Next][Thread Prev][Thread Next]

Re: "entropy" (was Re: jubluH'a'?)



Dajqu' SoQlIj.  vItIvchu'.  tujpat chut DaQIjchu'mo' DaH loQ "entropy"
vIyaj je jIH 'ej "physics" QeD tej jIHbe'bej.

DaH tlhIngan Hol pab wa' chutmo' jIghelnIS:  ja'laH'a' {chut}.
ja'laHchugh porgh jat je ghajbe'bogh yInbe'wI'mey, vaj mojaQ {-pu'}
vIlo'nIS, qar'a'?  ja'laHbe'chugh chut, vaj chay' DIvI' Hol "the law
says......" vImughchu'?

peHruS

Alan Anderson wrote:

> toH.  QeD maqelqa'.  yap'a' mu'tay'?  Ha', maSovchoH.
>
> tujpat chut cha'DIch vIQIj 'e' vInID.
> pat 'elchugh pagh 'ej pagh tlhuDchugh pat, SoQ patvetlh net buv.
> pat SoQ neH Del tujpat chut cha'DIch.
> ja' chut:  not nup pat SoQ "entropy".
>
> cha' qech DellaH "entropy".
> wa':  vummeH lI'be'bogh tuj HoS per.
> cha':  Sublaw'pu'ghach per.
> ("order" "disorder" joq Delbogh tlhIngan Hol mu' vISampu'be'.)
> qech wa' buS tujpat chut cha'DIch.
>
> chut bIvbe' yIn.  SoQbe' yIn pat.
> nIn natlh yInwI' 'ej veQ lIng.
> SoQbe' je yuQ pat.  Hov Summo' HuS Hev.
>
> chut bIvbe' QIb.  chentaHvIS HoS lI' woD.
> chenlI' qut 'e' rur.  QatlhchoHlaw' ('ej 'IHchoHlaw').
> 'ach toj ghu'.  ngaDchoHmeH, HoS polHa'nIS.
>
> patvaD HoS chellu'be'chugh, SabHa'laHbe' pat.
> HoS chu' Hevbe'chugh 'u', reH SabtaH 'u' naQ.
>
> 'u' 'ay' neH DaqelDI', SabHa'laHbej 'ay'vetlh.
> 'ach latlh 'ay'vo' "order" nIQnIS.
> Hochlogh 'op "order" chIllu'.
>
> -- ghunchu'wI' 'utlh





Back to archive top level