tlhIngan-Hol Archive: Tue Nov 09 11:18:08 1999
[Date Prev][Date Next][Thread Prev][Thread Next]
DIS cha' SanID Sengna' (Re: HoghwIj nI' 'oHpu')
- From: Alan Anderson <[email protected]>
- Subject: DIS cha' SanID Sengna' (Re: HoghwIj nI' 'oHpu')
- Date: Tue, 9 Nov 99 13:36:32 EST
ja' charghwI':
>> yaH'a'wIjDaq DIS cha' SanID loHwI'Hom jIH.
>
>Sengna' 'oH'a'?
Sengna' 'oHbejtaHqu'.
>Haj nuvpu' law' 'ach De'wI'mey yajHa' HochHom.
>reH wIchmey Qoylu' 'ach not Sengna' vItu'.
Seng Daleghbe'law'. maj. QaplI' tI'taHwI'pu'.
>Sengna' DaSamta'chugh yIDel.
lujbeH wa'maH ben patmey law'. lujbeH je 'op wa' ben patmey.
law'qu' patmey DItobnISbogh. qay'wI' lutI'lu' 'e' wIDIlnIS.
maDughchu'taHmo', HochHom patmey qay' DItI'ta', 'ach wISovlaHbejbe'.
Do'Ha' wa' pat qay'qu' vIDel net tuch. patvam wItI'be'chugh, taghDI'
DIS cha' SanID, mevbej malja' potlh. Do' Seng wItu' 'ej wItI'lI'.
tayqeq luQaw'be'ba' ratlhbogh Seng. malja' lunIS neH.
ghaytan loQ nIS Hoch Seng. ram Seng mob. 'ach vI' Sengmey.
tay'taHvIS Hoch Sengmey, rambe'choH Sengmey tay'.
chaq yuch lIngwI''a' lut DaQoypu'. Seng'a' SIQbejta' "Hershey".
tera' DIS cha' SanID QapHa' malja' patmeyDaj net noHmo', tI'nISlu'.
Do'Ha' nI'qu'choH tI'meH poH. patmey choHtaHvIS chamwI'pu',
Qapchu'be' pat ngo' pat chu' je. Sengmo' Suymey SIchbe'lI' yuch.
"Halloween" yuch lupoQ Suymey, 'ej ma'laHchu'be' "Hershey". vaj latlh
yuch lIngwI'vo' luSuq. SaHbe'law' tayqeq. Sengvam DaSaHbe'bej SoH.
'ach Sengvammo' Huch law' bajbe' "Hershey" nuv, vaj SaHbej chaH.
>> (toch De'wi'Hom lo'taHvIS)
>
>QIt ghItlhmeH poH yap Datu'ba'pu'.
nom jIghItlhlaH. FITALY vIlo'taHvIS qay'be' Do.
loQ QatlhtaH tlhIngan Hol "capitalization"...
nuqDaq tlhIngan Hol FITALY SeHlaw vISuq?
-- ghunchu'wI'