tlhIngan-Hol Archive: Wed May 26 15:09:58 1999
[Date Prev][Date Next][Thread Prev][Thread Next]
lengwIj
loQ jIroppu' 'ach DaH jIpIvqa' 'ej yap poH. vaj lengwIj vIDel.
*Florence*Daq jIghIQpu'. *Italy* veng 'oH *Florence*'e'. leng lucher
DuSaQwIj ngoy'wI'pu'. wa'maH cha' Hu' naDevvo' mamej jIH latlh HaDwI'pu' je.
qaStaHvIS ram Hoch, ghochmaj wIghoSlI'. qaSDI' jaj cha'DIch DungluQ
*Florence*Daq mapaw. mebpa' wISam. pa' ratlh tepmaj, veng Daqmey Daj
DISuchtaHvIS. qaStaHvIS repmey paS *disco*Daq mamI'. motlh QoQ pIm vImaS 'a
qay'be'. jaj wejDIch *Florence*Daq latlh Daqmey Daj DISuch. DaH Hoch Del
DevwI'. *Fiesole* veng wISuch je. mebpa'Daq macheghpu'DI' wa' pa' Daq maghom
'ej lopno' moj ramvam. jaj loSDIch *Vinci* *Lucca* *Pisa* je wISuch. magh
*Pisa* nganpu'! noyqu' *Pisa* qach chongchu'be'. 'ach nuq vItu'? 'uchmeH
tlheghmey lulo'lu'! *Pisa*vo' mamejDI' bIQ'a' wIghoS. mayev 'ach Dojqu'be'
Daq. lam. tugh mebpa'Daq machegh. qaStaHvIS ram maqIDtaH 'ej maQuchtaH. jaj
vaghDIch *Volterra* *San Gimignano* *Siena* je wISuch. Dat lengwI'pu' law'
lutu'lu'. Dat *German* Hol Qoylu'. ram vIDelQo' (tlhaQbej wanI'mey 'ach
Doghbej). jaj javDIch *Assisi* vISuch. wa' ghojmoHwI'ma' qoS 'oH jajvam'e'.
vaj lulop ghojmoHwI'pu'. DItlhej. tlhaQqu' lopno'vam le'. jaj SochDIchvaD
pagh nablu'pu'. vaj *Florence*Daq mayIt. Suypu' Daq wIghoS. nuvpu' DIbej.
SIS. SIStaHbe' 'ach qaStaHvIS jaj HochHom SIS. lengmaj jaj Qav 'oH
jajvam'e'. qaSchoHDI' ram mamej. leng potlhmey vIDelmeH wa' mu'tlhegh neH
vIlo'laHchugh, mu'tlheghvam rur mu'tlheghvetlh: chIrghmey (churches) law',
Hatlh Doj, Soj wagh, Hat tuj, poH tlhaQqu' je vISIQ.
SKI: HovqIj describes her trip to Florence.
HovqIj