tlhIngan-Hol Archive: Mon May 10 12:37:27 1999

Back to archive top level

To this year's listing



[Date Prev][Date Next][Thread Prev][Thread Next]

Re: muD Duj



lab ghunchu'wI'
>ja' Qov:
>>VOR NDB joq chIjmeH mIw vISov, rut tu'meH vIchu', 'ach 'utbe'.
>VOR vIyaj. Se' Qatlh lab yav Daq. Se' poj Duj jan. lurgh 'ang jan.

Qatlhqu'be'.  cha' jabbI'ID lab VOR.  VOR DabavtaHvIS, choHbe' yu'egh
wa'DIch.  VOR DabavtaHvIS choHtaHqu' yu'egh cha'DIch. nISchuq cha'
yu'eghmey.  cha' jabbI'ID pImchoHghach poj jan.  VOR tIH lurgh ngu'.
wejvatlh javmaH lurgh tu'laH jan.   pImbe'chugh yu'eghmey, vaj tIH
paghDIchDaq SoH.   tIH paghDIchDaq jIHtaHvIS, He pagh vIghoSchugh,
VORvo' jIpuv.  He wa' chorgh pagh vIghoS, VORDaq jIpuv.  

>DME tlhejchugh VOR, chuq 'ang je jan.

teH.  chuq juvwI' jan 'oHchu' DME'e'.

>NDB vIghovbe'.

CanadaDaq Qat NBD 'ach USADaq tu'lu' je.  NDB nap law' VOR nap puS. 
wa' Se' lab yav Daq.  Se'vetlh ghov jan 'ej DujDaq NDB ghoSmeH He much
jan. pItlh.  NDB DaghoSmeH, muchwI' Datlha' neH.

wa'Hu' Cessna Skyhawk vIpuvmoH.  Skyhawk tIn law' 152 tIn puS.   jan
SaqmeH pat vIlo'.  Qorwagh vIlo'be'taHvIS Duj vISaqrupchoH.  vISaqpa'
Qorwagh vIlo' 'e' chaw' ghojmoHwI'wI'.  vItIv.


===
Qov - pab 'utlh





_________________________________________________________
Do You Yahoo!?
Get your free @yahoo.com address at http://mail.yahoo.com



Back to archive top level